ករណីវិជ្ជមានជំងឺកូវីដ១៩ នៅសិង្ហបុរីមានការកើនឡើង
ករណីវិជ្ជមានជំងឺកូវីដ-១៩ នៅប្រទេសសិង្ហបុរីមានការកើនឡើងជាលំដាប់នៅក្នុងខែកញ្ញានេះ ដោយករណីប្រចាំថ្ងៃ កាលពីថ្ងៃសៅរ៍កន្លងទៅ មានរហូតដល់ទៅ ១ ០០៩ករណី។ នេះបើតាមការចុះផ្សាយរបស់ក្រសួងសុខាភិបាលនៃប្រទេសនេះ។
ចំនួនអ្នកឆ្លងប្រចាំថ្ងៃប្រមាណ ១ពាន់ករណីនេះ ជាកំណត់ត្រាមួយខ្ពស់បំផុតសម្រាប់ប្រទេសសិង្ហបុរីនៅក្នុងឆ្នាំ២០២១នេះ។ ចំណោម ១ ០០៩ករណី មានការឆ្លងជាសហគមន៍ចំនួន ៩២៦ករណី និង ៧៨ករណីឆ្លងក្នុងចំណោមពលករអន្តោប្រវេសន៍ និងមានករណីនាំចូលចំនួន ៥ករណី។
នៅសិង្ហបុរី ក្នុងរយៈពេល ២៨ថ្ងៃចុងក្រោយនេះ មានអ្នកឆ្លងប្រមាណ ៩៨% ជាករណីស្រាល ឬ មិនមានរោគសញ្ញាសោះតែម្ដង។
សិង្ហបុរីមានអ្នកឆ្លងជំងឺកូវីដ-១៩ សរុបប្រមាណ ៧៦ ០០០ករណី និងមានអ្នកស្លាប់ចំនួន ៦០នាក់
គិតត្រឹមខែកញ្ញានេះ ប្រទេសអាស៊ីអាគ្នេយ៍ដីកោះមួយនេះ មានប្រជាជនទទួលបានវ៉ាក់សាំងទាំងពីរដូសសរុប ៨២% និងប្រមាណ ៨៤% ទទួលបានវ៉ាក់សាំងយ៉ាងតិចមួយដូស៕
ប្រភព៖ CNA
