ស្ត្រីឈ្នះអាសនៈភាគច្រើននៅក្នុងការបោះឆ្នោតរបស់ប្រទេសអ៊ីស្លង់
ការបោះឆ្នោតជាតិរបស់ប្រទេសអ៊ីស្លង់នាពេលថ្មីៗនេះត្រូវបានឃើញថាចំនួនអ្នកដែលជាប់ឆ្នោតសភាអឺរ៉ុបភាគច្រើនជាស្ត្រី។សភាប្រទេសអ៊ីស្លង់មានចំនួន៦៣ អាសនៈដែលតម្រូវអោយមានអាសនៈចំនួន ៣២ យ៉ាងតិចសម្រាប់កំណត់រដ្ឋាភិបាលថ្មី។ ការរាប់សន្លឹកឆ្នោតដំបូងបាបបង្ហាញថាមានបេក្ខជនជាស្ត្រីចំនួន ៣៣ នាក់ទទួលបានអាសនៈនៅក្នុងសភាដែលមាន ៦៣ អាសនៈ។
ប៉ុន្តែក្រោយពីមានការរាប់សន្លឹកឆ្នោតឡើងវិញ ស្ត្រីចំនួន ៣០ នាក់ទទួលបានអាសានៈនៅក្នុងសភា។ ទោះយ៉ាងណា ស្ទើរតែ ៤៨ ភាគរយនៃចំនួនអាសនៈសរុបបានបង្ហាញពីភាគរយខ្ពស់បំផុតនៅអឺរ៉ុបដែលមានស្ត្រីជាតំណាងនៅក្នុងសភា។ នៅទ្វីបអឺរ៉ុប ស៊ុយអែត និងហ្វាំងឡង់មានតំណាងស្ត្រីតែ ៤៧ ភាគរយនិង ៤៦ ភាគរយប៉ុណ្ណោះនៅក្នុងសភា។
អ៊ីស្លង់ជាកោះអាត្លង់ទិកខាងជើងដែលមានប្រជាជនប្រមាណចំនួន ៣៧១០០០ នាក់ត្រូវបានជាប់ចំណាត់ថ្នាក់ជាប្រទេសដែលមានសមភាពយេនឌ័រច្រើនបំផុតនៅលើពិភពលោកសម្រាប់ឆ្នាំទី ១២ ដែលដំណើរការនៅក្នុងវេទិកាសេដ្ឋកិច្ចពិភពលោក (WEF) ដែលបានចេញផ្សាយកាលពីខែមីនា។
សាស្ត្រាចារ្យផ្នែកនយោបាយ លោក Olafur Hardarson បាននិយាយបន្ទាប់ពីការរាប់សន្លឹកឆ្នោតឡើងវិញថា៖ «ការបោះឆ្នោតលើកនេះអ្វីដែលជាគួរអោយកត់សម្គាល់គឺជ័យជម្នះរបស់ស្រ្តី» ។
គណបក្សទាំងបីនៅក្នុងរដ្ឋាភិបាលចម្រុះដែលដឹកនាំដោយនាយករដ្ឋមន្រ្តី អ្នកស្រី Katrin Jakobsdottir បានឈ្នះអាសនៈសរុបចំនួន ៣៧ នៅក្នុងការបោះឆ្នោតកាលពីសប្តាហ៍មុនដែលចំនួននេះមានការកើនឡើងបើប្រៀបទៅការបោះឆ្នោតអាណាត្តិមុន។
គួរបញ្ជាក់ផងដែរថា រដ្ឋាភិបាលបច្ចុប្បន្នរបស់ប្រទេសអ៊ីស្លង់ដែលមានចលនាឆ្វេងបៃតងរបស់នាយករដ្ឋមន្រ្តី លោក Katrin Jakobsdottir គណបក្សឯករាជ្យអភិរក្សនិយម និងគណបក្ស Progressive កណ្តាលបាននិយាយមុនការបោះឆ្នោតថា ពួកគេនឹងចរចាស្តីពីការបន្តកិច្ចសហប្រតិបត្តិការប្រសិនបើពួកគេទទួលបានសម្លេងភាគច្រើន។
