កម្ពស់ទឹកទន្លេងនៅខេត្ដរតនគិរី ដែលធ្លាប់តែឡើងលើសកម្រិតប្រកាសអាសន្នកន្លងមកនេះ បានស្រកចុះមក វិញហើយ។ យោងតាមគណៈកម្មាធិការគ្រប់គ្រងគ្រោះមហន្តរាយខេត្ត គិតត្រឹមម៉ោង១០ ព្រឹកថ្ងៃព្រហស្បតិ៍នេះ កម្ពស់ទឹកទន្លេស្រែពកស្ថានីយលំផាត់ បានស្រកចុះចំនួន៦៣សង្ទីម៉ែត្រ។ កម្ពស់ទឹកទន្លេស្រែពកស្ថានីយ លំផាត់ នៅថ្ងៃនេះ មានកម្ពស់១១ម៉ែត្រនិង៨៧សង្ទីម៉ែត្រ។ កម្ពស់ទឹកប្រកាសអាសន្នទន្លេស្រែពកស្ថានីយ លំផាត់ មាន១២ម៉ែត្រនិង៥០សង្ទីម៉ែត្រ។ 

យោងតាមក្រសួងធនធានទឹកនិងឧតុនិយម ភ្លៀងនៅតែបន្តធ្លាក់ថែម ទៀតក្នុងមួយសប្តាហ៍ខាង មុខនេះទៀត ខណៈភាគខាងជើងនៃប្រទេសកម្ពុជា នឹងទទួលឥទ្ធិពលពីទ្រនុង សម្ពាធចិន រីឯភាគខាងត្បូង វិញ នឹងទទួលរងសម្ពាធទាបពីឥណ្ឌា៕