ក្រុម Aston Villa ត្រូវបានគេរាយការណ៍ថា បានដាក់ការចាប់អារម្មណ៍ទៅលើខ្សែប្រយុទ្ធរបស់ River Plate គឺកីឡាករ Julian Alvarez។
កីឡាករវ័យ ២១ ឆ្នាំបានទាក់ទាញចំណាប់អារម្មណ៍របស់ Aston Villa ជាមួយនឹងសមត្ថភាពដ៏លិចធ្លោដោយរកបាន ១១ គ្រាប់ក្នុង ១៤ ប្រកួតទាំងអស់សម្រាប់ក្រុមអាហ្សង់ទីននៅរដូវកាលនេះ នេះបើយោងតាមការចុះផ្សាយរបស់ Calciomercato ។
ខ្សែប្រយុទ្ធ ដែលអាចលេងជាខ្សែបម្រើស្លាប ដែលមានតម្លៃខ្លួន ២១.៥ លានផោនក្នុង នឹងផុតកិច្ចសន្យានៅរដូវក្តៅក្រោយ។ Aston Villa ប្រជែង AC Milan ដែលមានបំណងចង់បាន Alvarez ផងដែរ។
ក្លឹបយក្ស Serie A មានការចាប់អារម្មណ៍យ៉ាងខ្លាំងហើយកំពុងពិចារណាដាក់សំណើដេញថ្លៃយកខ្សែប្រយុទ្ធរូបនេះ នៅក្នុងខែមករាខាងមុខ ៕