វ៉ាស៊ីនតោន៖ ក្រុមហ៊ុន SpaceX បានពង្រីកក្រុមតារានិកររបស់ខ្លួននៃផ្កាយរណបគោចរជុំវិញផែនដីកម្រិតទាប កាលពីថ្ងៃសៅរ៍សប្តាហ៍មុននេះ (ម៉ោងក្នុងតំបន់) ជាមួយនឹងការបាញ់បង្ហោះផ្កាយរណប Starlink ចំនួន ៥៣ ចេញពីរដ្ឋផ្លរីដា។

គ្រាប់រ៉ុក្កែត Falcon 9 បានហោះចេញពីស្ថានីយ៍កងកម្លាំងអវកាស Cape Canaveral រដ្ឋផ្លររីដា នៅម៉ោង 7:19 ព្រឹក (ម៉ោងក្នុងតំបន់) ហើយបានដាក់ពង្រាយផ្កាយរណបប្រហែល ១៦នាទី បន្ទាប់ពីការបាញ់បង្ហោះ។

Starlink គឺជាប្រព័ន្ធអ៊ីនធើណិតសកលដែលមានមូលដ្ឋានលើផ្កាយរណប ដែលក្រុមហ៊ុន SpaceX របស់កំពូលមហាសេដ្ឋីលោក Elon Musk បាននិងកំពុងសាងសង់អស់ជាច្រើនឆ្នាំ ដើម្បីនាំយកបណ្តាញអ៊ីនធើណិតទៅកាន់តំបន់ដែលខ្វះខាតក្នុងពិភពលោក៕ ប្រភព៖ CGTN