ការដឹកខ្សាច់បំផ្លាញផ្លូវប្រជាពលរដ្ឋនៅភូមិលេខ១ក សង្កាត់ស្វាយរលំ ក្រុងតាខ្មៅ បានធ្វើឲ្យពលរដ្ឋខឹងសម្បារ និងបានអំពាវនាវអាជ្ញាធរមានវិធានការជួយទប់ស្កាត់ជាបន្ទាន់។ ផ្លូវលំភូមិលេខ១ក សង្កាត់ស្វាយរលំ គឺជាផ្លូវ លំមួយប្រើប្រាស់ដោយពលរដ្ឋ​ច្រើនរយនាក់ក្នុងមូលដ្ឋាន និងផ្លូវលំនេះមិនដែលមានការខូចខាតខ្ទេចខ្ទាំខ្លាំង ដូចពេលនេះទេ បើទោះបីជាផ្លូវនោះ បានរងនឹងការលិចម្តងម្កាល ដោយសារជំនន់ទឹកភ្លៀងក៏ដោយ៕