រដ្ឋាភិបាលជាប់ឆ្នោតអាល្លឺម៉ង់ប្រឈមនឹងវិបត្តិកូវីដ១៩ដ៏ធ្ងន់ធ្ងរ មុនពេលចូលកាន់អំណាច
រលកឆ្លងជំងឺកូវីដ-១៩ទី៤ ដ៏កាចសាហាវ បានបង្ហាញខ្លួនជាបញ្ហាដ៏ធំសម្រាប់រដ្ឋាភិបាលជាប់ឆ្នោតរបស់ប្រទេសអាល្លឺម៉ង់ ដែលបានភ្ញាក់ផ្អើលចំពោះការកើនឡើងនៃចំនួនករណីឆ្លង ហើយត្រូវបានបង្ខំឱ្យរៀបចំវិធានការណ៍ឆ្លើយតបមុនពេលដែលពួកគេត្រូវចូលកាន់អំណាច។
កាលពីថ្ងៃអង្គារ ទី១៦ វិច្ឆិកាអត្រាឆ្លងប្រចាំសប្ដាហ៍របស់អាល្លឺម៉ង់បានកើនដល់កម្រិតខ្ពស់បំផុត បន្ទាប់ពីឈានដល់ ៣០០ ករណីក្នុងចំណោមប្រជាជន ១០០.០០០នាក់ ដែលដោយផ្នែកបង្កដោយអត្រាចាក់វ៉ាក់សាំងដ៏យឺតយ៉ាវ។ នេះគឺជាលើកដំបូងហើយដែលអាល្លឺម៉ង់បានឆ្លងកាត់កម្រិតនេះ។
រដ្ឋាភិបាលបច្ចុប្បន្នរបស់គណបក្សប្រជាធិបតេយ្យគ្រិស្ត និងអភិបាលនៃរដ្ឋទាំង១៦របស់អាល្លឺម៉ង់បានគ្រោងធ្វើកិច្ចប្រជុំអាសន្ននៅថ្ងៃព្រហស្បតិ៍ខាងមុខនេះ ដើម្បីជួយសម្របសម្រួលដល់ការឆ្លើយតបនៅទូទាំងពិភពលោក។ ប៉ុន្តែភាពខ្វះចន្លោះ ដែលបង្កើតឡើងក្នុងរយៈពេលអន្តរកាលផ្លាស់ប្ដូររដ្ឋាភិបាលបានធ្វើឱ្យមានភាពច្របូកច្របល់យ៉ាងខ្លាំង។
គណបក្សប្រជាធិបតេយ្យសង្គម គណបក្សប្រជាធិបតេយ្យសេរី និងគណបក្សបៃតង ដែលបានឈ្នះការបោះឆ្នោតហើយកំពុងរៀបចំសម្ព័ន្ធភាពកាន់អំណាច គឺនៅមិនទាន់អនុម័តកិច្ចព្រមព្រៀងចែករំលែកអំណាចរបស់ពួកគេនៅឡើយ ប៉ុន្តែពួកគេបានប្រកាសថាពួកគេនឹងតម្រូវឱ្យប្រជាជនទទួលការចាក់វ៉ាក់សាំង ឬបង្ហាញលទ្ធផលអវិជ្ជមានដើម្បីប្រើប្រាស់សេវាធ្វើដំណើរសាធារណៈ ហើយគ្រោងដាក់វិធានការធ្វើការពីគេហដ្ឋានឡើងវិញ។ គណបក្សទាំងបីគ្រោងបង្ហាញផែនការប្រឆាំងកូវីដ-១៩របស់ពួកគេទៅកាន់សភាអាល្លឺម៉ង់នៅថ្ងៃព្រហស្បតិ៍ខាងមុខនេះ៕
ប្រភព៖ CNA
