ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះគ្មានអ្វីអាចបង្អាក់មុខរបរការងារ និងអាជីវកម្មរបស់លោកអ្នកបានទេ គឺវាអំណោយផលសម្រាប់ការងារទាំងឡាយ។ ដូច្នេះហើយសូមចាប់ផ្តើមអនុវត្តផែនការរបស់អ្នក។ អ្នកអាចធ្វើការបណ្តាក់ទុនលើកិច្ចការងារថ្មី ក៏ដូចជាអាចបោះបង់ការងារចាស់ផងដែរ។ សូមកុំទាន់ទុកចិត្តនឹងសមត្ថភាពការងារដែលអ្នកអាចធ្វើបាន គម្រោងការងារច្បាស់លាស់មិនត្រូវបោះបង់ចោលនោះទេ ជាពិសេសហាមដាច់ខាត។ ដោយឡែក លោកអ្នកមិនត្រូវធ្វើការរំលងដៃគូរបស់អ្នក បើទោះជាក្នុងស្ថានភាពយ៉ាងណាក៏ដោយ។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនះជាពេលវេលាដែលមានអំណោយផលសម្រាប់ការធ្វើទំនាក់ទំនងជាមួយដៃគូជំនួញ ថ្នាក់លើ ក៏ដូចជាសហសេវិក។ សូមកុំមានការស្ទាក់ស្ទើរក្នុងការលើកឡើងនូវគោលបំណងសំខាន់ៗមកពិភាក្សា និងចរចានៅពេលនេះ ពីព្រោះការខិតខំប្រឹងប្រែងរបស់អ្នកនឹងមានការកោតសរសើរ។ លោកអ្នកអាចនឹងជួបបញ្ហាប្រទាក់ក្រឡាតិចតួច ប៉ុន្តែសូមកុំបារម្ភ ពីព្រោះស្ថានភាពនោះនឹងរសាយទៅវិញដោយេកឯង។ ក្រៅពីនេះសូមលោកអ្នកអាចធ្វើការផ្លាស់ប្តូរស្ថានភាពការងារបានដោយសេរី។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកថ្ងៃនេះស្រុតចុះ។ មុខរបររកស៊ី និងការងាររបស់អ្នកពិបាកក្នុងការទទួលបានផលតាមក្តីបំណង។ មតិរិះគន់ និងគំនិតយោបល់អវិជ្ជមានជាច្រើននឹងរំខានដល់ទឹកចិត្តរបស់អ្នកខ្លាំង ហេតុដូច្នេះសូមប្រុងប្រយ័ត្ន ធ្វើយ៉ាងណាកុំឲ្យខ្លួនឯងរងផលប៉ះពាល់ពីគំនិតយោបល់ពីខាងក្រៅខ្លាំងពេក។ សូមព្យាយាមចំណាយពេលវេលាធ្វើការ ទទួលខុសត្រូវឲ្យបានខ្ពស់។ ក្រៅពីនេះ លោកអ្នកមិនអាចខ្ជះខ្ជាយពេលវេលា និងថាមពលបានទេ។ ប្រសិនបើអ្នកមានការសង្ស័យចំពោះចំណេះដឹង និងជំនាញវិជ្ជាជីវៈរបស់ខ្លួន សូមពិភាក្សាជាមួយសហសេវិក។ ក្រៅពីនេះ គួរចំណាយពេលសហការជាមួយថា្នក់លើ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ កិច្ចការរកស៊ីជួញដូរដំណើរការទៅយ៉ាងល្អ។ ក្នុងថ្ងៃនេះលោកអ្នកអាចសម្រេចចិត្តរក្សា ឬផ្លាស់ប្តូរកិច្ចការងារតាមក្តីប្រាថ្នា ហើយលទ្ធផលដែលទទួលបានគឺជាលទ្ធផលវិជ្ជមាន។ ក្រៅពីនេះសម្រាប់លោកអ្នកជាអាជីវករនឹងទទួលបានលាភសំណាងពីស្ថានភាពថ្ងៃនេះ។ អ្នកក៏ប្រហែលជានឹងមានឳកាសធ្វើការក្រៅម៉ោងបន្ថែមទៀតផងដែរ។ ផ្ទុយទៅវិញ សូមកុំទាន់ធ្វើការសម្រេចចិត្តលឿនពេក គួរផ្អាកបន្តិចសិនមុននឹងធ្វើការសម្រេចចិត្ត។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ ការងារ និងមុខរបររបស់អ្នកមានដំណើរការយ៉ាងរលូន ព្រមទាំងមានមនុស្សជាច្រើនគាំទ្រ។ ប្រសិនបើអ្នកមិនអាចសម្រេចចិត្តក្នុងកិច្ចការអ្វីមួយសូមពន្យាពេលសិន និងរកមនុស្សពិភាក្សាជាជាងឆេវឆាវ ប្រថុយប្រថាន។ លើសពីនេះ គួរធ្វើទំនាក់ទំនងជាមួយដៃគូពាណិជ្ជកម្ម ហើយព្យាយាមចង្អុលបង្ហាញគោលគំនិតដ៏រឹងមាំត្រឹមត្រូវរបស់អ្នក ពីព្រោះភាពស្ងាត់កំពុងធ្វើឲ្យបាត់បង់ទំនុកចិត្តធ្ងន់ធ្ងរ។ លោកអ្នកអាចនឹងជួបស្ថានការណ៍មិនល្អខ្លះៗ ប៉ុន្តែសូមកុំមានការព្រួយបារម្ភ ពីព្រោះវានឹងក្លាយជាប្រសើរវិញដោយត្រឹមតែវិធីសាស្រ្តដោះស្រាយធម្មតា។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​ រាសីអស់លោកអ្នកនៅក្នុងថ្ងៃនេះល្អជាមធ្យម។ លោកអ្នកនឹងទទួលបានជោគជ័យរាល់ការងារទាំងឡាយ ប៉ុន្តែភាពប្រកដប្រជាទាំងនេះទាក់ទងនឹងឥរិយារបស់អ្នក ក្នុងនោះដែរសូមជៀសដាច់ខាតការនិយាយវែកញែក បើទោះបីជាលោកអ្នកមានគំនិតយោបល់ត្រឹមត្រូវក្តី។ ក្រៅពីនេះ អ្នកអាចផ្លាស់ប្តូរការងារ ឬបង្កើតមុខរបរថ្មីបានមិនមានជំទាស់អ្វីទេ ប៉ុន្តែបើកាន់តែល្អនោះសូមលោកអ្នកធ្វើការសហការ។ កុំចោលការធ្វើពាណិជ្ជកម្ម និងបង្កើនទំនាក់ទំនងនឹងមនុស្សដែលស្ថិតក្នុងចំណោមការងាររបស់អ្នក។ ដោយឡែក​សូមលោកអ្នកប្រុងប្រយ័ត្នក្រែងមានជំងឺដង្កាត់នានា។​

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកល្អជាមធ្យម។ មុខរបរ និងកិច្ចការងារនានានឹងទទួលបានអំណោយផលល្អប្រសើរណាស់។ ថ្ងៃនេះរាល់បញ្ហាតូចធំនឹងអាចជួយសង្រ្គោះបានដោយមនុស្សនៅក្បែរខ្លួនតែម្តង អាស្រ័យហេតុនេះសូមរក្សាផ្លូវចិត្ត ហើយធ្វើសេចក្តីល្អចំពោះមនុស្សនៅក្បែរខ្លួនអ្នក។ ផ្ទុយទៅវិញ រាល់កិច្ចការងារទាំងឡាយដែលស្ថិតក្រោមការទទួលខុសត្រូវរបស់អ្នក គួរតែព្យាយាមបញ្ចប់ ហើយក៏មិនបាច់សុំជំនួយដែរ។ ក្រៅពីនេះមិនគួរធ្វើផ្លាស់ប្តូរកន្លែងការងារ ឬស្ថានភាពបច្ចុប្បន្ននោះទេ គួររក្សាអ្វីៗឲ្យនៅដដែលសិន។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកថ្ងៃនេះឡើងខ្ពស់ត្រដែត។ លោកអ្នកអាចធ្វើកិច្ចការនានាបានដោយមិនមានអ្វីជំទាស់ ហើយមិនបាច់រកមើលកាលទេសនោះទេ ពេលណាក៏អ្នកអាចាប់ផ្តើមបានដែរ។ ចំពោះលោកអ្នកធ្វើការរាជការ និងឯកជននឹងអាចទទួលបានដំណឹងល្អទាក់ទងនឹងឳកាសការងារដ៏រីករាយតបស្នងចំពោះការខិតខំប្រឹងប្រែងរបស់អ្នកកន្លងមក។ ចំណែកអ្នកប្រកបអាជីវកម្មនឹងទទួលបានប្រាក់ចំណេញ និងមានអតិថិជនគាំទ្រច្រើន។ ក្នុងនោះដែរ​ លោកអ្នកគួរយកចិត្តទុកដាក់ និងសម្របទៅតាមស្ថានភាពជាក់ស្តែង។ ការរឹងរូសមិនមែនជាជម្រើសត្រឹមត្រូវនោះទេ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ ថ្ងៃនេះអំណោយផលខ្លាំងណាស់ចំពោះហិរញ្ញវត្ថុ ដូច្នេះសូមចាប់យកឳកាសការងារនានាដែលទាក់ទងនឹងការប្រើប្រាស់លុយកាក់ ដូចជាការបណ្តាក់ទុន ឬលក់ចេញទិញចូលអចលនទ្រព្យជាដើម។ ដោយឡែកប្រសិនបើអ្នកមានការលំបាកខ្លះក្នុងការដំណើរការការងារ​ សូមព្យាយាមរក្សាអ្វីៗឲ្យស្ថិតក្នុងស្ថានភាពដដែលសិន។ ដោយឡែក ប្រសិនបើលោកអ្នកមិនទាន់ជួបស្ថានភាពដែលអ្នករំពឹង ក៏មិនគួរបោះបង់ការងារក្នុងពេលនេះដែរ។  

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីលោកអ្នកថ្ងៃនេះស្រុតចុះ។ កិច្ចការងារនានាប្រព្រឹត្តិទៅដោយភាពមានសូវច្បាស់លាស់។ ចំណែកបញ្ហាតូចធំក៏មិនទាន់អាចកំណត់បានក្នុងខណៈនេះ​ អាស្រ័យហេតុនេះសូមតបមាត់ក និងកុំចូលរួមនឹងការប្រជុំពិភាក្សាដែលមិនចាំបាច់។ ដោយឡែក សម្រាប់ការធ្វើដំណើរផ្លូវឆ្ងាយ ដោយរួមទាំងបេសសកម្មការងារក្តី គួរតែពន្យាពេលសិនទើបជាការល្អប្រសើរជាង។ ចំពោះ ការខ្ចីបុលនានាសូមកុំធ្វើឲ្យសោះក្នុងថ្ងៃនេះ ពីព្រោះវាជាប្រភពនៃបញ្ហា។​​ សូមលោកអ្នកអត់ធ្មត់ជាមួយនឹងស្ថានភាព និងបរិយាកាសដែលបានកើតឡើង និងបន្តកាតព្វកិច្ចរបស់ខ្លួនជាមួយនឹងផែនការ។ 

ឆ្នាំចរ

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកក្នុងថ្ងៃនេះស្រុតចុះ។ ថ្ងៃនេះទាមទារឲ្យអ្នកមានក្តីអត់ធ្មត់ខ្ពស់ ពីព្រោះអ្នកអាចនឹងទទួលបានពត៌មានដែលមិនចាំបាច់មួយចំនួនមុនពេលល្ងាច។ ដោយឡែក ការងារទាំងអស់គឺអាចធ្វើទៅបាន គ្រាន់តែផលដែលអ្នករំពឹងទុកមិនសមតាមក្តីប្រាថា្ននៅពេលនេះ។ សូមពង្រឹងលទ្ធភាពក្នុងការគ្រប់គ្រង ឬដឹកនាំ ដើម្បីទទួលបានការចាប់អារម្មណ៍ និងកិច្ចសហការពីមិត្តរួមការងារ ឬមនុស្សដែលនៅក្បែរ។ ក្រៅពីនេះ អ្នកមិនអាចធ្វើអ្វីដោយគ្មានពត៌មានច្បាស់លាស់ ឬអំណះអំណាងរឹងមាំនោះទេ។ ដោយឡែក បើទោះស្ថានភាពថ្ងៃនេះហាក់លំបាកបន្តិចក្តី អ្នកអាចមានលទ្ធភាពស្រោងស្រង់ស្ថានភាពទាំងនេះបាន។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីលោកអ្នកថ្ងៃនេះឡើងខ្ពស់ត្រដែត។ ថ្ងៃនេះលាភសំណាងជាច្រើននឹងហូរចូលក្នុងផ្ទះរបស់អ្នក។ ហើយដើម្បីរក្សាស្ថេរភាពនៃសំណាងនេះ គួរយកចិត្តទុកដាក់ជាមួយមនុស្សទន់សខ្សោយ ដោយរួមទាំងមនុស្សចាស់ និងកុមារផងដែរ។ ចំពោះការបណ្តាក់ទុន ការផ្លាស់ប្តូរការងារថ្មី ឬដំណើរបេសកកម្មការងារអាចនឹងកើតឡើងដោយមិនបានគ្រោងទុក ដូច្នេះសូមត្រៀមខ្លួន ពិសេសទាក់ទងនឹងឯកសារលំអិត។ ថ្ងៃនេះចំពោះលោកអ្នកជាអាជីវករ ឬដែលនឹងប្រើប្រាស់លុយកាក់ក្នុងការងារ នឹងអាចទទួលបានលទ្ធផលជាទីគាប់ចិត្តណាស់។

ចំណាំៈ

ឆ្នាំទាំង៦ ជូត ឆ្លូវ រោង មមែ វក កុរ​​ រាសីឡើងខ្ពស់ត្រដែត។ លោកអ្នកកំពុងទទួលបានភាពចម្រើនលូតលាស់លើផ្នែកហិរញ្ញវត្ថុ ព្រមទាំងទទួលបានឳកាសល្អៗសម្រាប់ការងារ។