សំណង់ព្រលានយន្ដហោះអន្តរជាតិភ្នំពេញថ្មី ទើបសម្រេចបាន២៧% ទេ ក្នុងដំណាក់កាលទី១ប៉ុន្តែនឹងរំពឹង បញ្ចប់តាមការគ្រោងទុក។

សេចក្ដីប្រកាសព័ត៌មានរបស់ក្រុមហ៊ុន CAIC Cambodia Airport Investment, Co. Ltd ដែលបណ្តាញសារព័ត៌មានចេញផ្សាយថ្ងៃ២៥វិច្ឆិកា បានបញ្ជាក់ថា «គម្រោងសំណង់ព្រលានយន្ដហោះអន្តរជាតិភ្នំពេញថ្មី បច្ចុប្បន្នសម្រេចបាន២៧% ដែលត្រូវនឹងទឹកប្រាក់សរុប ៣៥៨លានដុល្លារអាមេរិក ដោយមិនរាប់បញ្ចូលថ្លៃដី ដែលវិនិយោគរួចដោយក្រុមហ៊ុន»។

សំណង់ព្រលានយន្តហោះអន្តរជាតិភ្នំពេញថ្មី មានទីតាំងស្ថិតនៅ ក្នុងស្រុកកណ្តាល ស្ទឹងខេត្តកណ្តាលនិងចូល ក្នុងទឹកដីខេត្តតាកែវផងដែរលើផ្ទៃដីលាតសន្ធឹងទំហំ២ពាន់៦០០ហិកតា។ សំណង់ ព្រលានយន្តហោះអន្តរជាតិ ភ្នំពេញថ្មីនេះ ត្រូវគេគ្រោងសង់ក្នុងបីដំណាក់កាល ដោយដំណាក់កាលទី១រយៈ ពេល៣ឆ្នាំតម្លៃ១ពាន់៥០០លាន ដុល្លារ ដែលនឹងត្រូវបញ្ចប់ក្នុងឆ្នាំ២០២៣។

គម្រោងធ្វើសំណង់ក្នុងដំណាក់កាលទី១នេះ នឹងរំពឹងការដាក់ឲ្យធ្វើប្រតិបត្តិការនៅក្នុងឆ្នាំ២០២៣។ បើ សិនជា ដំណាក់កាលទី១សាងសង់រួច, សំណង់នៃដំណាក់កាលដំបូងនេះ នឹងអាចទទួលបានភ្ញៀវទេសចរណ៍១៣​លាននាក់ក្នុង១ឆ្នាំ។ ដោយឡែកដំណាក់កាលទី២ នឹងគ្រោងបញ្ចប់នៅឆ្នាំ២០៣០ ដែលអាចរំពឹងទទួលភ្ញៀវ ទេសចរ៣០លាននាក់ក្នុង១ឆ្នាំ, ចំណែកដំណាក់កាលទី៣ នឹងបញ្ចប់នៅឆ្នាំ២០៥០ ដែលនឹងអាចទទួលភ្ញៀវ ទេសចរ ៥០លាននាក់ក្នុង ១ឆ្នាំ។

បច្ចុប្បន្នប្រទេសកម្ពុជា មានព្រលានយន្ដហោះអន្ដរជាតិចំនួន៣រួចមកហើយ គឺ ទី១៖ ព្រលាន យន្ដហោះអន្ដរ ជាតិភ្នំពេញ, ទី២៖ ព្រលានយន្ដហោះអន្ដរជាតិខេត្តសៀមរាប និងទី៣៖ ព្រលានយន្ដហោះអន្ដរជាតិ ខេត្តព្រះ សីហនុ។