ចំការអំពៅទំហំប្រមាណជាង ១២០ហិកតា របស់ក្រុមហ៊ុនផលិតស្កសរមួយកន្លែងនៅស្រុកសំបូរ ខេត្តក្រចេះ បានរងនឹងភ្លើងឆាបឆេះអស់ជាច្រើន។ សមត្ថកិច្ចបានថ្លែងថាចំការអំពៅដែលភ្លើងបានឆេះកាលពីថ្ងៃទី ៧ធ្នូ កន្លងមកនេះ គឺជាអតីតក្រុមហ៊ុនឥណ្ឌាឈ្មោះ កាមាដឺនូ ដែលបច្ចុប្បន្នគ្រប់គ្រងដោយម្ចាស់ជាតិវៀតណាម។ 

ការឆាបឆេះអស់ជាងពាក់កណ្តាលចំការអំពៅទាំងមូលនោះ នៅមិនទាន់បានដឹងអំពីមូលហេតុនៅឡើយទេ បើ ទោះបីជាមានការសន្និដ្ឋានខ្លះថាជាអំពើលួចដុតក៏ដោយ។ ត្រាក់ទ័រមួយគ្រឿងក្នុងចំការ បានរងនឹងការឆេះផង ដែរ ប៉ុន្តែមិនមានសេចក្តីរាយការណ៍អំពីមនុស្សរង គ្រោះ ថ្នាក់នោះឡើយ៕