FDA: ការធ្វើតេស្តអង់ទីហ្សែន មិនសូវមានប្រសិទ្ធិភាពក្នុងការកំណត់វ៉ារ៉្យង់អូមីក្រុង
រដ្ឋបាលចំណីអាហារ និងឱសថ (FDA) នៃសហរដ្ឋអាមេរិកបានព្រមានកាលពីថ្ងៃ អង្គារថា ការធ្វើតេស្តអង់ទីហ្សែនកូវីដ-១៩ ប្រហែលជាមានសមត្ថភាពតិចក្នុងការកំណត់រកវ៉ារ្យ៉ង់អូមីក្រុង។
ការព្រមានថ្មីគឺ ផ្អែកលើការសិក្សាបឋម ដោយគំនិតផ្តួចផ្តើមការបង្កើនល្បឿននៃការធ្វើរោគវិនិច្ឆ័យរបស់វិទ្យាស្ថានជាតិសុខភាព ដោយប្រើសំណាកអ្នកជំងឺដែលមានមេរោគផ្ទាល់ ជាការវិភាគ ដើម្បីស្វែងរកវិធីល្អបំផុត ដើម្បីវាយតម្លៃការអនុវត្តការធ្វើតេស្តពិតប្រាកដក្នុងរយៈពេលខ្លី។ នេះបើយោងតាម FDA ។
ប្រភពដដែលបានបន្តថា៖ «ទិន្នន័យដំបូងបង្ហាញថា ការធ្វើតេស្តអង់ទីហ្សែន ក្នុងការកំណត់ស្វែងរកវ៉ារ្យ៉ង់ អូមីក្រុង អាចនឹងមានប្រសិទ្ធិភាពតិច»។
ម្យុយតានមួយចំនួនធំរបស់អូមីក្រុង បានបង្កើនលទ្ធភាព ដែលវាអាចគេចចេញពីការការពារប្រឆាំងនឹង កូវីដ ដែលបានមកតាមរយៈវ៉ាក់សាំង និងការព្យាបាលដូចជាអង្គបដិប្រាណ (monoclonal) មួយចំនួន។ ប្រភពដដែល បានកត់សម្គាល់ថា វត្តមាននៃការផ្លាស់ប្តូរនៅក្នុងវីរុស អាចបន្ថយការអនុវត្តការធ្វើតេស្តអាស្រ័យលើលំដាប់នៃវ៉ារ្យ៉ង់ ការរចនានៃការធ្វើតេស្ត និងអត្រាប្រេវ៉ាឡង់នៃចំនួនប្រជាជន។
ប្រភព៖ Politico
