ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីរបស់អ្នកក្នុងថ្ងៃនេះល្អជាមធ្យម។ ថ្ងៃនេះលោកអ្នករំពឹងថាទទួលបានផលសម្រេចក្នុងការងារយ៉ាងពេញបរិបូរណ៍។ មានមនុស្សជាច្រើននៅជុំវិញខ្លួនអ្នកនឹងជួយជ្រោមជ្រែង ទំនុកបម្រុងលោកអ្នក។ ប្រសិនបើអ្នកចង់ផ្លាស់ប្តូរការងារក៏អាចធ្វើទៅបាន ប៉ុន្តែការងារដែលអ្នកកំពុងតែអនុវត្តក៏នឹងអាចផ្តល់ផលគាប់ចិត្តផងដែរ ដូច្នេះសូមមានសេរីភាពក្នុងការសម្រេចចិត្តលើអនាគតអាជីព។ ថ្ងៃនេះលោកអ្នកអាចប្រឈមនឹងបញ្ហាតិចតួច ប៉ុន្តែប្រសិនបើអ្នកដោះស្រាយបញ្ហានេះដោយភាពម៉ត់ចត់ និងទំនួលខុសត្រូវ នោះគ្មានអ្វីអាចរំខានដំណើរការអ្នកទេ។ 

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​  រាសីរបស់លោកអ្នកក្នុងថ្ងៃនេះឡើងខ្ពស់ត្រដែត។ កិច្ចការងារនានារបស់អ្នកមានដំណើរការទៅយ៉ាងល្អប្រសើរខ្លាំងណាស់។ លោកអ្នកមានលទ្ធភាពពេញលេញក្នុងការពិភាក្សាដោះស្រាយបញ្ហាចាស់ថ្មីទាំងឡាយ។​ ក្នុងនោះដែរភាពតានតឹងក្នុងជំនួញរបស់អ្នកនឹងត្រឡប់មកក្នុងសភាពល្អប្រសើរណាស់ក្នុងពេលនេះ ដូច្នេះសូមកុំឲ្យខកខានឳកាស ប្រើប្រាស់ពេលនេះធ្វើការងារដែលអ្នកបានគ្រោងទុក។ ទន្ទឹមនឹងនេះ លោកអ្នកអាចទទួលដំណឹងនៃការផ្លាស់ប្តូរការងារដោយមិនរំពឹងទុកខ្លះ ប៉ុន្តែមិនបាច់ត្រូវព្រួយបារម្ភអ្វីទេ ពីព្រោះការផ្លាស់ប្តូរនេះមិនជះឥទ្ធិពលទៅលើលទ្ធផលនោះទេ។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីរបស់លោកអ្នកស្រុតចុះ។ ពេលវេលានេះហាក់ធ្វើឲ្យផ្លូវចិត្តរបស់អ្នកមានភាពតានតឹងបន្តិច។ សូមរកវិធីសាស្រ្តផ្សេងៗដើម្បីអាចយល់ដឹងពីបញ្ហា។ បង្កើនកិច្ចទំនាក់ទំនងតូចធំ។ កែប្រែអាកប្បកិរិយា និងពាក្យសំដីជាថ្មី។ ដោយឡែក ប្រសិនបើអ្នកចង់ផ្លាសប្តូរទីកន្លែងការងារ ប្រហែលមិនមែនជាឳកាសល្អប្រសើរបំផុតនោះទេ ពីព្រោះអស្ថេរភាពនៅក្នុងមជ្ឈដ្ឋានការងារប្រហែលមិនអាចនាំភាពងាយស្រួលដល់ការងារបានទេ។ លើសពីនេះ ជោគជាតារាសីរបស់អ្នកព្រមានចំពោះសកម្មភាពដែលធ្វើដោយឯកឯង ដូច្នេះចូរធ្វើការពិភាក្សាយោបល់ជានិច្ច។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីលោកអ្នកក្នុងថ្ងៃនេះឡើងខ្ពស់ត្រដែត។ ថ្ងៃនេះអំណោយផលចំពោះកិច្ចពិភាក្សា ការចុះហត្ថលេខា និងដំណើរបេសកកម្មផ្លូវឆ្ងាយ។ លោកអ្នកអាចនឹងទទួលបានការតម្លើងប្រាក់ខែ ការផ្តល់ឳកាសក្នុងការកែប្រែមុខមាត់ថ្មីរបស់ការងារ។ ក្នុងនោះសូមពិនិត្យមើលលទ្ធភាពបន្ថែម និងកុំទាន់បដិសេធចំពោះការផ្តល់ជូននានា ពីព្រោះវាជាប្រយោជន៍ល្អប្រសើរសម្រាប់អ្នក។ សម្រាប់លោកអ្នកជាអាជីករ នឹងទទួលបានអតិថិជនល្អ ហើយលុកកាក់ជាផលចំណេញនឹងកើនឡើងបានច្រើន។ បើទោះបីជាយ៉ាងនេះក្តី សូមកុំភ្លេចការផ្សព្វផ្សាយ។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ ​ រាសីរបស់លោកអ្នកក្នុងពេលនេះល្អជាមធ្យម។ អាជីពទាំងឡាយរបស់អ្នកទទួលបានការគាំទ្រខ្លាំងពីមនុស្សរួមក្រុម ពិសេសពីថ្នាក់លើតែម្តង។ លោកអ្នកមានសេរីភាពក្នុងការបញ្ចេញយោបល់ និងគាំទ្រមតិរបស់ខ្លួនបានយ៉ាងពេញលេញ។ ក្នុងពេលនេះ អ្នកមានពេលវេលាគ្រប់គ្រាន់ ដូច្នេះសូមកុំធ្វើការងារប្រញាប់ប្រញាល់។ ក្នុងនោះលោកអ្នកអាចជួបស្ថានភាពតានតឹងខ្លះទាក់ទងនឹងការងារផ្នែកឯកសារ ដូច្នេះយកល្អគួរពិនិត្យតាមដានឲ្យបានលំអិតជាងមុន ហើយព្យាយាមធ្វើយ៉ាងណាកុំឲ្យការងារនោះកក់កុញនៅលើតុរបស់អ្នក។ ដោយឡែក លោកអ្នកអាចជួបបញ្ហាផ្ទាល់ខ្លួនតិចតួច ដូច្នេះការពិភាក្សាមានតម្លៃបំផុត។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​  រាសីរបស់លោកនៅក្នុងថ្ងៃនេះស្រុតចុះ។ ថ្ងៃនេះមិនមែនជាពេលវេលាល្អក្នុងការធ្វើទំនាក់ទំនងនោះទេ។ សូមកំណត់ដែនរបស់អ្នក យកល្អរស់នៅ និងបំពេញការងារដោយភាពស្ងប់ស្ងៀម​។ កុំពាក់ព័ន្ធនឹងបញ្ហារបស់អ្នកដទៃ ឬបញ្ហាទាំងឡាយដែលគ្មានប្រយោជន៍ចំពោះការងារ។ ការធ្វើដំណើរផ្លូវឆ្ងាយហាក់មានភាពរឹងស្ទះខ្លះ ដូច្នេះប្រសិនបើអ្នកត្រូវតែចាកចេញសូមចាប់ផ្តើមពីពេលព្រឹក ដើម្បីឲ្យអ្នកមានពេលវេលាគ្រប់គ្រាន់ដើម្បីឲ្យអ្នកសម្របសម្រួលនឹងស្ថានភាព។ ភាពតានតឹង និងលទ្ធផលល្អក្នុងថ្ងៃនេះពឹងអាស្រ័យជាពិសេសទៅលើលទ្ធភាពយល់ដឹង និងដោះស្រាយរបស់អ្នក។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីលោកអ្នកក្នុងថ្ងៃនេះឡើងខ្ពស់ត្រដែត។ ថ្ងៃនេះជាពេលវេលាល្អក្នុងការដោះស្រាយបញ្ហាហិរញ្ញវត្ថុ។ លោកអ្នករំពឹងថាទទួលបានការសន្សំសំចៃបន្ថែមទៅក្នុងគណនីយរបស់ខ្លួន។ ប្រសិនបើអ្នកចង់ប្រើប្រាស់លុយកាក់តូចធំក៏មិនមានបញ្ហាផងដែរ ដូច្នេះសូមកុំមានការព្រួយបារម្ភ។ អ្វីដែលអ្នកគួរយកចិត្តទុកដាក់ជាពិសេសគឺពេលវេលា។ អ្នកប្រហែលជាមិនមានពេលវេលាគ្រប់គ្រាន់នៅរវាងពេលល្ងាច ដូច្នេះសូមប្រញាប់ប្រញាលបំពេញការងារសំខាន់ៗជាមុន។​ ក្រៅពីនេះ លោកអ្នកគួរចាកចេញពីស្ថានភាពងាយស្រួលដែលអ្នកកំពុងស្ថិតនៅ ហើយដាក់ខ្លួនឯងទៅក្នុងបរិយាកាស និងឳកាសថ្មីដែលបំពុងមានពេញបរិបូរណ៍នៅខាងក្រៅ។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកថ្ងៃនេះឡើងខ្ពស់ត្រដែត។ ក្នុងពេលនេះលោកអ្នកទទួលបានភាពឈ្លាសវៃ និងការសម្របខ្លួនទៅក្នុងបរិស្ថានការងារបានយ៉ាងល្អ។ អ្នកអាចធ្វើការកែប្រែស្ថានភាពបានយ៉ាងងាយស្រួល។ ពាក្យសំដីដែលមានលទ្ធិពលរបស់អ្នកអាចដឹកនាំអ្នកទៅរកភាពជោគជ័យបាន។ ប៉ុន្តែផ្ទុយទៅវិញ មិនគួរប្រើប្រាស់អំណោយផលនេះធ្វើការរិះគន់ និងវាយតម្លៃការងាររបស់មនុស្សរួមក្រុមនោះទេ។ សូមលោកអ្នកកំណត់ដែនសមត្ថកិច្ចរបស់ខ្លួនឲ្យបានកាន់តែប្រសើរ។ ក្រៅពីនេះ ទំនាក់ទំនងផ្ទាល់ខ្លួនរបស់អ្នកកំពុងស្ថិតក្នុងកំរិតដ៏រីករាយ ដូច្នេះវាក៏ជាពេលសម្រាប់អ្នករៀបគម្រោងជីវិតផងដែរ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីលោកអ្នកក្នុងថ្ងៃនេះល្អជាមធ្យម។​ កិច្ចការរបស់អ្នកពឹងផ្អែកទាំងស្រុងនឹងគម្រោងផែនការ ប្រសិនបើអ្នកសម្រេចចិត្តធ្វើអ្វីដោយគ្មានគម្រោង នោះហានិភ័យអាចនឹងកើតឡើង ហើយក៏អាចបង្ករអស្ថេរភាពដល់អាជីពយ៉ាងខ្លាំងដែរ។ សូមប្រកាន់គំនិតសុទិដ្ឋិនិយម ហើយរស់នៅដោយការប្រុងប្រយ័ត្នខ្ពស់ ការនិយាយចរចារឿងមិនប្រយោជន៍ ត្រូវជៀសវាង។ ក្រៅពីនេះ ប្រហែលជាជម្លោះ ឬភាពតានតឹងខ្លះអាចនឹងកើតឡើង ដូច្នេះសូមចាកចេញពីស្ថានភាពអវិជ្ជមាន ហើយសូមព្យាយាមសម្របទៅតាមកាលទេស។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។  រាសីលោកអ្នកក្នុងថ្ងៃនេះល្អជាមធ្យម។ កិច្ចការងាររកស៊ីជួញដូរមានដំណើរការល្អប្រសើរ។ អ្នកនឹងទទួលបានអតិថិជន និងដៃគូពាណិជ្ជកម្មដែលមានភាពរស់រវើក និងជឿជាក់។ ប៉ុន្តែក្នុងពេលនេះអ្នកមិនអាចសំកុកនៅក្នុងការិយាល័យ ឬដាក់ខ្លួនក្នុងស្ថានភាពជំនួញហួសហេតុពេកទេ សូមរកពេលសម្រាកលំហែកាយខ្លះ ដោយសារទាំងអារម្មណ៍ និងរាយកាយរបស់អ្នកកំពុងរងសម្ពាធផ្នែកសុខភាព។  លោកអ្នកមិនចាំបាច់បង្កើតសកម្មភាពការងារច្រើនពេកនោះទេ ចូរអនុវត្តការងារដែលកំពុងមានក្នុងពេលនេះជាការប្រសើរជាង។ ដោយឡែក សូមប្រយ័ត្នការបោកប្រាស់ ឬការបាត់បង់ទំនុកចិត្តពីមនុស្សនៅក្បែរខ្លួន។

ឆ្នាំចរ

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីលោកអ្នកក្នុងថ្ងៃនេះឡើងខ្ពស់ត្រដែត។ លាភសំណាងក្នុងថ្ងៃនេះឡើងខ្ពស់ណាស់ ដូច្នេះសូមព្យាយាមគ្រប់គ្រងស្ថានការនានា ហើយឆ្លើយតបដោយសុទិដ្ឋិនិយម។ លោកអ្នកមានមនុស្សនៅក្បែរខ្លួនជួយជ្រោមជ្រែងយ៉ាងពេញទំហឹង។ ផ្ទុយទៅវិញ ស្ថានភាពខាងក្រៅកំពុងមានឥទ្ធិពលយ៉ាងខ្លាំងដល់ផ្លូវចិត្តរបស់អ្នក​ ដូច្នេះសូមគិតពិចារណាទទួលយកអ្វីដែលមានប្រយោជន៍ ហើយបំភ្លេចចោលភ្លាមនូវភាពអវិជ្ជមាន។ ចំពោះការចាកចេញខ្លះតម្រូវឲ្យអ្នកត្រៀមខ្លួន ដូច្នេះការយល់ដឹងអំពីការងារឲ្យបានគ្រប់ជ្រុងជ្រោយនឹងមានប្រយោជន៍បំផុត។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីលោកអ្នកក្នុងថ្ងៃនេះល្អជាមធ្យម។ រាសីថ្ងៃនេះផ្តល់ឲ្យអ្នកនូវលទ្ធភាពសម្រេចការងារដោយជោគជ័យ និងប្រកបដោយប្រណិតភាព។ អ្នកអាចធ្វើការចរចា ឬសម្តែងចេញនូវគោលគំនិតចំពោះថ្នាក់លើដោយសេរី។ ការយល់ដឹង នឹងគាំទ្រក៏នឹងកើតឡើងផងដែរ។ ប៉ុន្តែក្នុងពេលស្របគ្នាចូរប្រើប្រាស់ពេលវេលាកែប្រែវិធីសាស្រ្តប្រតិបត្តិការ ពីព្រោះបំរែបម្រួលក្នុងបរិយាកាសការងារកំពុងកើតឡើង។ លើសពីនេះសូមមានការអត់ធ្មត់ និងកុំនិយាយច្រើនឥតប្រយោជន៍។ ក្នុងនោះដែរ ការគោរពឯកជនភាពជាការសំខាន់ក្នុងអាជីពជាក្រុម។  

ចំណាំ៖

ឆ្នាំទាំង៥ ឆ្លូវ ថោះ មមី មមែ ចរ រាសីឡើងខ្ពស់ត្រដែត។ ការងាររបស់អ្នកមានភាពរស់រវើក និងប្រកបដោយប្រណិតភាព។ អ្នកអាចធ្វើឲ្យការងារនោះទទួលបានផលយ៉ាងប្រសើរ ដូច្នេះសូមមានភាពរីករាយ។