ភ្នំពេញ៖ កំលាំងនគរបាលខណ្ឌឫស្សីកែវ បានឃាត់ខ្លួនជនសង្ស័យ ២នាក់ ពាក់ព័ន្ធករណីជួញដូរដោយខុសច្បាប់នូវសារធាតុញៀន នៅថ្ងៃទី០៣ ខែកុម្ភៈ ឆ្នាំ២០២២ វេលាម៉ោង ៩ព្រឹក ត្រង់ចំណុចផ្លូវបេតុង ក្រុមទី៣ ភូមិខ២ សង្កាត់ ច្រាំងចំរេះទី២ ខណ្ឌឫស្សីកែវ រាជធានីភ្នំពេញ។

លោកវរៈសេនីយ៍ឯក ហ៊ាង ថារ៉េត អធិការដ្ឋាននគរបាលខណ្ឌឫស្សីកែវ បានឱ្យដឹងថា ករណីបង្ក្រាបការជួញដូរដោយខុសច្បាប់នូវសារធាតុញៀន នេះ សមត្ថកិច្ច បានឃាត់ខ្លួនជនសង្ស័យចំនួ ន០២នាក់ រួមមានទី១- ឈ្មោះ វ៉ាន់ យឿម ភេទប្រុស អាយុ៣៦ឆ្នាំ ជនជាតិខ្មែរ មុខរបរកម្មករសំណង់ មានទីលំនៅ ភូមិជ័យជំនះ ឃុំបឹងប្រាំ ស្រុកបវិល ខេត្តបាត់ដំបង, ទី២-ឈ្មោះ ជា ចាន់ ភេទប្រុស អាយុ ២៨ឆ្នាំ ជនជាតិខ្មែរ មុខរបរកម្មករ ស្នាក់នៅភូមិចក ឃុំកកោះ ស្រុកមោងឬស្សី ខេត្តបាត់ដំបង។ សម្ភារះដកហូតមាន៖ ក្រាមពណ៍សថ្លាចំនួន ១០កញ្ចប់ (ជារបស់ឈ្មោះ ជា ចាន់) , ទូរសព្ទ័ដៃចំនួន មួយគ្រឿង ជារបស់ឈ្មោះ វ៉ាន់ យឿម។

បច្ចុប្បន្ន កំលាំងជំនាញខណ្ឌ កំពុងកសាងសំណុំរឿង បញ្ជូនទៅសាលាដំបូងរាជធានីភ្នំពេញ ដើម្បីអនុវត្តន៍តាមនិតិវិធី ៕ ដោយប៊ុនធី-វណ្ណលុក