រកឃើញបាតុករ២៤នាក់ទៀតឆ្លងកូវីដ១៩ (Video Inside)
អតីតបុគ្គលិកក្រុមហ៊ុន Naga ចំនួន២៤នាក់បន្ថែមទៀតដែលកំពុងធ្វើបាតុកម្មតវ៉ាត្រូវបាន គេរកឃើញមានវិជ្ជមានជំងឺកូវីដ១៩ ខណៈអ្នកពាក់ព័ន្ធមួយចំនួនមិនទាន់យកសំណាក អស់នៅឡើយ។
យោងតាមការជូនដំណឹងរបស់រដ្ឋបាលខណ្ឌចំការមន, ការេកឃើញអ្នកឆ្លងថ្មី២៤នាក់នេះ គឺក្នុងអំឡុងរយៈពេល២ថ្ងៃរវាងពីថ្ងៃទី១៩ដល់២០កុម្ភៈ ខណៈអ្នកដែល ពាក់ព័ន្ធមួយចំនួនទៀត នៅមិនទាន់មកយកសំណាកអស់នៅឡើយទេ។
មន្ទីរសុខាភិបាល នៃរដ្ឋបាលរាជធានីភ្នំពេញ បានណែនាំក្រុមបាតុករ និងអ្នកពាក់ព័ន្ធ ទាំងអស់ដែលជាអ្នកប៉ះពាល់ផ្ទាល់ ជាមួយអ្នកវិជ្ជមានកូវីដ១៩ ត្រូវធ្វើចត្តាឡីស័ករយៈ ពេល០៧ថ្ងៃ ដោយគោរពឲ្យបានម៉ឺងម៉ាត់បំផុតតាមវិធានសុខាភិបាល។
មន្ទីរសុខាភិបាល នៅបានអំពាវនាវយ៉ាងទទូចដល់ក្រុមបាតុករដែលមិនទាន់មកយកសំណាក សូមរួសរាន់ មកយកសំណាកកុំបីខានឡើយ៕
