ផ្លូវបេតុង, ផ្លូវក្រាលកៅស៊ូ និងផ្លូវក្រាលកៅស៊ូ DBSTចំនួន ៤២ខ្សែ ប្រវែងជិត៣២កីឡូម៉ែត្រ ត្រូវបានសម្ពោធដាក់ឱ្យប្រើប្រាស់ជាផ្លូវការនៅក្នុងក្រុងកំពង់ចាម ខេត្តកំពង់ចាម ក្រោមអធិប តីភាព បណ្ឌិត ហ៊ុន ម៉ាណែត។

បណ្ឌិត ហ៊ុន ម៉ាណែត គឺតំណាងដ៏ខ្ពង់ខ្ពស់ របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងពិធីសម្ពោធផ្លូវប្រវែង ៣ម៉ឺន ១ពាន់ ៩១៧ម៉ែត្រនាថ្ងៃទី១២ ខែឧសភា ឆ្នាំ២០២២។

បណ្ឌិត ហ៊ុន ម៉ាណែត បានថ្លែងថាតម្លៃ នៃសន្តិភាពនាបច្ចុប្បន្ន បាននាំមកនូវការអភិវឌ្ឍ រីកចម្រើន លើគ្រប់វិស័យ រួមជាមួយនឹងកិត្តិយស និងកិត្យានុភាពរបស់កម្ពុជាស្មើមុខស្មើមាត់ នៅលើឆាក អន្តរជាតិទាំងក្នុងតំបន់ និង សាកលលោក។