ឃ្លាំងអេតចាយ ១កន្លែង នៅខណ្ឌសែនសុខ ត្រូវបានអគ្គិភ័យឆាបឆេះនៅថ្ងៃពុធនេះ ដោយ បំផ្លាញបន្ទប់ស្នាក់នៅ៤បន្ទប់ និងសម្ភារៈមួយចំនួន។ ហេតុការណ៍ បានកើតឡើងនៅតាមបណ្តោយផ្លូវបេតុង ភូមិស្លែងរលីង សង្កាត់អូរបែកក្អម ក្នុងខណ្ឌសែនសុខ រាជធានីភ្នំពេញ។

នាយការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ លោកវរសេនីយ៍ឯក ព្រហ្ម យ៉ន បានថ្លែងថាគ្រោះអគ្គិភ័យវេលាម៉ោង១១និង៥៥នាទីថ្ងៃនេះ គឺបណ្តាលមកពីការឆ្លងចរន្ត អគ្គិសនី។ មិនមានមនុស្សណាម្នាក់បានរងគ្រោះក្នុងហេតុ ការណ៍ឆេះនោះឡើយ។