កម្ពុជានិងចិនបានរៀបចំធ្វើពិធីបញ្ចុះបឋមសិលានិងបើកការដ្ឋានសាងសង់រោងជាងជួស ជុលនាវាផែសំចតនិងស្តារឃ្លោងនៅមូលដ្ឋានសមុទ្ទរាមថ្ងៃទី៨មិថុនា ខណៈប្រទេសក្នុងដៃគូ សន្ទនាសន្តិសុខ QUAD បានសម្តែងក្តីបារម្ភខ្លាចក្រែងការធ្វើសំណង់នោះ បំរើជាមូលដ្ឋាន យោធាជើងទឹកប្រទេសចិននោះទៅវិញ។

សម្តេចពិជ័យសេនា ទៀ បាញ់ ដែលជាឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ នៃប្រទេសកម្ពុជា បានថ្លែងបញ្ជាក់ជំហររបស់កម្ពុជាថា «ការដ្ឋានសាងសង់ក្នុងមូលដ្ឋានសមុទ្ទ រាមនេះ គឺសំដៅលើកកម្ពស់កម្រិតវិស័យការពារជាតិ របស់កម្ពុជា និងស្មារតីកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយ និងការ កសាងសហគមន៍វាសនារួម ដែលជាគុណប្រយោជន៍ដល់សន្តិភាព ស្ថិរភាព និងវិបុលភាព នៅក្នុងនិងក្រៅតំបន់»។

សម្តេចពិជ័យសេនា ទៀ បាញ់ បានថ្លែងបញ្ជាក់ទៀតថាថា «កម្ពុជា គ្មានគោលនយោបាយជ្រើសរើសប្រទេសមួយ ដើម្បីប្រឆាំងប្រទេសមួយឡើយ»។