សម្តេចតេជោ ហ៊ុន សែន បានថ្លែងនៅថ្ងៃនេះជុំវិញជោគជ័យនៃនយោបាយចាក់វ៉ាក់សាំង បង្កើតភាពស៊ាំក្នុងសហគមន៍ ដែលគិតមកទល់ពេលនេះ គឺមានរយៈពេល៣៧ថ្ងៃហើយដែល កម្ពុជាមិនមានករណីឆ្លងដោយជម្ងឺកូវីដ១៩នេះ។

សម្តេចក្នុងពិធីចែកសញ្ញាបត្រដល់និស្សិត ថ្ងៃនេះ បានបញ្ជាក់ជុំវិញតួលេខបន្តមិនឆ្លងដែលជាសញ្ញាជោគជ័យសម្រាប់កម្ពុជានូវនយោបាយចាក់ស្រោចវ៉ាក់សាំងទូទាំងប្រទេស។

កម្ពុជាគិតត្រឹមថ្ងៃទី១៣ខែ មិថុនា, ការឆ្លងជំងឺកូវីដ១៩សរុបទូទាំងប្រទេស មានចំនួន១៣ម៉ឺន ៦ពាន់២៦២ករណី, ការព្យាបាលជាសះស្បើយមានចំនួន១៣ម៉ឺន៣ពាន់២០៦នាក់, ចំណែក ការស្លាប់ថ្មីនៅថ្ងៃនេះពុំមាននោះទេ ដែលឲ្យនាំការស្លាប់ សរុប មាន ចំនួន៣ពាន់ ៥៦នាក់ជា ដដែល។