ប្រធានយុវជនគណបក្សប្រជាជនកម្ពុជាថ្នាក់កណ្តាល បណ្ឌិត ហ៊ុន ម៉ាណែត បានដឹកនាំ គណៈប្រតិភូ គោរពវិញ្ញាណក្ខន្ធសព អតីតនាយករដ្ឋមន្ត្រីជប៉ុនលោក Shinzo Abe នារសៀល ថ្ងៃអង្គារនេះនៅស្ថានទូតជប៉ុនប្រចាំកម្ពុជា។

មរណភាពរបស់លោក Shinzo Abe បានធ្វើឱ្យមានការរំជួលចិត្តយ៉ាងខ្លាំងដល់ប្រមុខរាជរដ្ឋាភិបាលកម្ពុជា និងប្រជាពលរដ្ឋ ខ្មែរដោយសារតែអតីតនាយករដ្ឋមន្ត្រីជប៉ុនរូបនោះ មានអនុស្សាររីយ៍ដ៏ល្អចំពោះប្រទេសកម្ពុជា និងប្រជាជនខ្មែរ ជាពិសេសការជួយជម្រុញឱ្យកម្ពុជាមាន ដំណើរឆ្ពោះទៅមុខលើការ អភិវឌ្ឍន៍ប្រទេស។