បាងកក៖ ក្រសួងសុខាភិបាលថៃ នាព្រឹកថ្ងៃទី៣០ ខែកក្កដា ឆ្នាំ២០២២ បានរាយការណ៍ពីការឆ្លងជំងឺកូវីដ១៩ ចំនួន ១៩៦២នាក់ និងស្លាប់ព្រោះជំងឺនេះ ចំនួន ៣២នាក់ទៀត ក្នុងរយៈពេល ២៤ចុងក្រោយកន្លងទៅនេះ។

បើធៀបនឹងការប្រកាសពីម្សិលមិញ មានឆ្លងថ្មី ២៤៨០នាក់ និងស្លាប់ ៣៧នាក់ មានន័យថា ធ្លាក់ចុះទាំងករណីឆ្លងថ្មី និងស្លាប់ថ្មី។
ក្នុងពេល ២៤ម៉ោងចុងក្រោយនេះដែរ ក៏មានអ្នកជំងឺ ជាង ២ពាន់នាក់ទៀត ត្រូវបានព្យាបាលឲ្យជាសះស្បើយនិងចាកចេញពីមន្ទីរពេទ្យហើយ។

ចាប់តាំងពីមានកូវីដ១៩លើកដំបូង កាលពីដើមឆ្នាំ២០២០មក ថៃមានមនុស្សឆ្លងសរុប កើនដល់ ៤,៥៨៨,៥១២នាក់ហើយ ខណៈមនុស្សស្លាប់ព្រោះជំងឺនេះ កើនដល់ ៣១៣៥៩នាក៕ ប្រភពពី បាងកកប៉ុស្តិ៍ , ប្រែសម្រួលដោយ៖ សារ៉ាត