ហាណូយ៖ មនុស្ស ៦ នាក់បន្ថែមទៀត រួមទាំងកុមារ ៤នាក់ត្រូវបានបញ្ជាក់ថា បានស្លាប់ដោយសារទឹកជំនន់ចាប់តាំងពីយប់ថ្ងៃសុក្រ នៅភាគកណ្តាលប្រទេសវៀតណាម ដែលបង្កើនចំនួនអ្នកស្លាប់ដល់យ៉ាងហោចណាស់១០ ។

ក្នុងចំណោមជនរងគ្រោះមានសិស្សពីរនាក់ដែលរស់នៅក្នុងតំបន់លិចទឹកជិតពីរម៉ែត្រនៅក្នុងស្រុក Lien Chieu ដែលរងគ្រោះខ្លាំងជាងគេក្នុងទីក្រុង Da Nang ។ អ្នកផ្សេងទៀតគឺជាកុមារតូចៗពីរនាក់ដែលត្រូវបានទឹកលិចនៅក្នុងខេត្ត Quang Nam និងបុរសពីរនាក់នៅក្នុងខេត្ត Thua Thien Hue – ម្នាក់ធ្លាក់ពីលើទូករបស់គាត់ និងម្នាក់ទៀតរអិលក្នុងទឹកលិច។ ទីក្រុង Da Nang នៅរសៀលថ្ងៃសៅរ៍បានប្រកាសថា មនុស្ស ៤ នាក់ផ្សេងទៀតបានស្លាប់ នៅក្នុងទឹកជំនន់ធ្ងន់ធ្ងរ ។

ទឹកភ្លៀង ៧០០មីលីម៉ែត្រ ដែលនាំមកដោយព្យុះ សឺន កា ត្រូវបានជន់លិចនៅទីក្រុង ដាណាង ចាប់ពីយប់ថ្ងៃសុក្ររហូតដល់ព្រឹកថ្ងៃសៅរ៍ ដោយជន់លិចទីក្រុងទាំងមូល។

ទឹកជំនន់ និងការរអិលបាក់ដីបានបំផ្លាញផ្លូវឆ្លងកាត់វៀតណាមជាច្រើន រួមទាំង Hai Van Pass ដែលតភ្ជាប់ទីក្រុង Da Nang និង Thua Thien Hue ដែលត្រូវបានសម្អាតសម្រាប់តែការធ្វើចរាចរកាលពីរសៀលថ្ងៃអាទិត្យ ប៉ុណ្ណោះ។
ផ្នូររាប់ពាន់នៅទីបញ្ចុះសព Hoa Son ដ៏ធំបំផុតរបស់ទីក្រុងត្រូវបានកប់ដោយការរអិលបាក់ដី ឬត្រូវបានជន់លិចដោយទឹកជំនន់៕ ប្រភពពី VNexpress, ដោយ៖ សារ៉ាត