សមាជិកការិយាល័យនយោបាយ និងជាលេខាធិការអចិន្ត្រៃយ៍នៃគណៈលេខាមជ្ឈឹមបក្ស វៀតណាមកំពុងបំពេញទស្សនកិច្ចរយៈពេល៣ថ្ងៃក្នុងប្រទេសកម្ពុជា។ ដំណើរបំពេញទស្សន កិច្ចរបស់លោកវ៉ូ វ៉ាន់ធួង VO VAN THOUNG បានចាប់ផ្តើមនៅថ្ងៃទី១៧តុលានេះ ដែលជា ដំណើរ ទស្សនកិច្ចក្នុងគោលបំណង បន្តពង្រឹង និងធ្វើឱ្យកាន់តែឱ្យស៊ីជម្រៅបន្ថែមទៀត នូវទំនាក់ទំនងទ្វេភាគីក្នុងស្មារតីជាអ្នកជិតខាងល្អ និងមិត្តភាពជាប្រពៃណីរវាងកម្ពុជា និង វៀតណាម។

លោកវ៉ូ វ៉ាន់ ធួង​ នាល្ងាចថ្ងៃទី១៧ ខែតុលា ឆ្នាំ២០២២ បានអញ្ជើញជួប សម្តេចវិបុលសេនា ភក្តីសាយ ឈុំប្រធានព្រឹទ្ធសភា នៅវិមាន៧មករា។

ក្នុងអំឡុងទស្សនកិច្ច មន្ត្រីជាន់ខ្ពស់នៃគណ​បក្សនយោបាយវៀតណាម នឹងចូលក្រាបបង្គំ គាល់ព្រះមហាក្សត្រខ្មែរ, ជួបពិភាក្សាជាមួយជួបសម្តេចប្រធានរដ្ឋសភាហេង សំរិន, ជួប សម្តែងការគួរសមចំពោះសម្តេចតេជោ ហ៊ុន សែន, និងជួបជាមួយលោកជំទាវកិត្តិសង្កហ បណ្ឌិត ម៉ែន សំអន ផងដែរ។ ដោយឡែក មន្ត្រីជាន់ខ្ពស់បក្សរបស់វៀតណាមដដែល នឹង អញ្ជើញជួបពិភាក្សាការងារជាមួយ បណ្ឌិតហ៊ុន ម៉ាណែត ថែមទៀត។