ភ្នំពេញ៖ នៅថ្ងៃ សុក្រ ទី ០៦ ខែមករា ឆ្នាំ ២០២៣នេះ កម្លាំង នគរបាលខណ្ឌច្បារអំពៅ បានបង្ហាញ ជនសង្ស័យ ០៣នាក់ ពាក់ព័ន្ធអំពើលួចមានស្ថានទម្ងន់ទោស (ឆក់កាបូប) ក្រោយធ្វើ ការបង្រ្កាប និងឃាត់ខ្លួន បាន យកមកសាកសួរ រហូត បញ្ចប់ នីតិវិធី និងត្រៀមខ្លួនបញ្ជូនទៅកាន់ សាលាដំបូងរាជធានីភ្នំពេញ ដេីម្បីចាត់ការតាមច្បាប់ ។

មន្ត្រីនគរបាលខណ្ឌច្បារអំពៅ បានឱ្យដឹងថា ជនសង្ស័យទាំង០៣នាក់ឃាត់ខ្លួនបាន រួមមាន ៖ ១-ឈ្មោះ ឡុង រតនៈ ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរសិស្ស ទីលំនៅបច្ចុប្បន្ន ផ្ទះលេខ១៨A បុរីពិភថ្មីទី១ ផ្លូវលេខ៦ ក្រុងតាខ្មៅ ខេត្តកណ្តាល ។ ២-ឈ្មោះ ហ៊ីម ជីងហុង ភេទប្រុស អាយុ១៦ ឆ្នាំ ជនជាតិខ្មែរ មុខរបរសិស្ស ទីលំនៅបច្ចុប្បន្ន ផ្ទះគ្មានលេខ ផ្លូវលំ ស្រុកភ្នំស្រូច ខេត្តកំពង់ស្ពឺ ។ និង៣-ឈ្មោះសូត សំអាង ភេទប្រុស អាយុ២០ ឆ្នាំ ជនជាតិខ្មែរ មុខរបរ បុគ្គលិកក្រុមហ៊ុនស៊ិនទ្រី ទីលំនៅបច្ចុប្បន្នផ្ទះលេខ២០ ផ្លូវរថភ្លើង សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ ។ ចំណែកឯជនរងគ្រោះ ឈ្មោះ រ៉េត ម៉ារី ភេទស្រី អាយុ៣៣ ឆ្នាំ ជនជាតិខ្មែរ មានទីលំនៅផ្ទះគ្មានលេខ ផ្លូវលំ ភូមិព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្តាល ។

វត្ថុតាងរួមមាន ៖-ម៉ូតូម៉ាកស៊ុយហ្ស៊ុយគីនិច ពណ៌ ស-ខៀវ ឆ្នាំផលិត២០២១ ពាក់ផ្លាកលេខ ភ្នំពេញ ១JJ ២០៧៧ -ម៉ូតូម៉ាកហុងដា ស្កុបពី ពណ៌ ស-ខ្មៅ ពាក់ផ្លាកលេខ ភ្នំពេញ ១JK ៥២០៦

ភស្តុតាងជារបស់ជនរងគ្រោះចាប់យករួមមាន ៖ -កាបូបយួរដៃ ពណ៌ត្នោត ក្នុងនោះមានកុំព្យូទ័រ ឡេបថប ម៉ាកDELL ពណ៌ខ្មៅចំនួន ០១ គ្រឿង , អត្តសញ្ញាណប័ណ្ណសញ្ជាតិខ្មែរ ចំនួន ០១ សន្លឹក , កាតវ៉ាក់សាំងចំនួន ០១ សន្លឹក , ប័ណ្ណសម្គាល់យានយន្តចំនួន ០១សន្លឹក

បច្ចុប្បន្ននេះ ជនសង្ស័យ និងវត្ថុតាងខាងលើ ត្រូវ បានកម្លាំងនគរបាលការិយាល័យកសាងសំណុំរឿង និងត្រៀមបញ្ជូនខ្លួនទៅកាន់ សាលាដំបូងរាជធានីភ្នំពេញ ដើម្បីចាត់ការតាមនីតិវិធី ៕ដោយ៖ ភារ៉ា និងប៊ុនធី