ផ្កាយដុះកន្ទុយពណ៌បៃតងមួយ ត្រូវគេរំពឹងថានឹងអាចមើលឃើញច្បាស់នៅយប់ថ្ងៃពុធ និងយប់ថ្ងៃព្រហស្បតិ៍នេះ ខណៈដែលផ្កាយនេះទើបបានធ្វើដំណើរឆ្លងកាត់ប្រព័ន្ធព្រះអាទិត្យនៃភពផែនដីយើងនេះ។

ក្រុមអ្នកវិទ្យាសាស្ត្រនិយាយថាផ្កាយដុះកន្ទុយ ដែលគេដាក់ឈ្មោះ សម្គាល់ថា C/2022 E3 បានធ្វើដំណើរឆ្លងកាត់ផែនដីជាលើកដំបូងឡើងវិញ ក្នុងរយៈពេល ៥ម៉ឺនឆ្នាំមកនេះ។ អង្គការវិទ្យាសាស្ត្រណាសា បានថ្លែងថាផ្កាយដុះកន្ទុយក្នុងលំហរអវកាស ដែលយើងឃើញនោះ គឺបានស្ថិតនៅចម្ងាយឆ្ងាយពីផែនដីជាង៤០លានគីឡូម៉ែត្រ។