ភ្នំពេញ៖ ឯកឧត្តមហ៊ុន ម៉ានី ប្រធានសហភាពសហព័ន្ធយុវជនកម្ពុជា និងជាអ្នកតំណាងរាស្ត្រ មណ្ឌលកំពង់ស្ពឺ បានមានប្រសាសន៍ថា កីឡាការិនី ប៊ូ សំណាង មានទឹកចិត្តឆន្ទៈទឹកចិត្តនៃការមិនចុះចាញ់ ទោះបីលទ្ធផលយ៉ាងណាក៍ដោយ គឺវាជាភាពអស្ចារ្យមួយ ជាមេរៀន ហើយជាគំរូសម្រាប់យើងទាំងអស់គ្នា។ ការថ្លែងបែបនេះ នៅក្នុងឱកាសអញ្ជើញសូរសុខទុក្ខក្រុមការងារយុវជនស្ម័គ្រចិត្ត និងក្រុមអ្នករៀបចំបច្ចេកទេស នៅឯពហុកីឡ ដ្ឋានមរតកតេជោ នៅព្រឹកថ្ងៃទី១១ខែឧសភាឆ្នាំ២០២៣។

ឯកឧត្តម ហ៊ុន ម៉ានី បានបញ្ជាក់ទៀតថា លទ្ធផលគឺជាកត្តាសំខាន់ ចង់ឈ្នះ ចង់ចាញ់ ក៏ប៉ុន្តែកត្តាមិនចុះចាញ់សោះ គឺជាកត្តាមួយដែលមិនមែនត្រឹមតែជាមេរៀន ត្រឹមតែកីឡាទេ ជាមេរៀនជីវិត ។និយាយសាមញ្ញទៅ ជាហឺរ៉ូ សម្រាប់យើងទាំងអស់គ្នា។

ឯកឧត្តម ហ៊ុន ម៉ានី បានបញ្ជាក់ទៀតថា គ្រាន់តែកីឡាការិនី ប៊ូ សំណាង តែម្នាក់នាំឲ្យគេស្គាល់កម្ពុជាទូទាំងពិភពលោក។ហើយនេះហើយជាទឹកចិត្តរបស់ខ្មែរយើង គឺជាការតស៊ូដើម្បីឲ្យបានសំរេចទោះបីជាលទ្ធផលយ៉ាងណាក៍ដោយ៕

ដោយៈ​ ពលជ័យ