ញូវដែលី៖ គិតត្រឹមថ្ងៃពុធ សប្តាហ៍នេះ ចំនួនអ្នកស្លាប់ដោយសារការបាក់ដី ជាមួយនឹងភ្លៀងធ្លាក់ខ្លាំង ក្នុងរដ្ឋ Himachal Pradesh ភាគខាងជើងប្រទេសឥណ្ឌា អំឡុងបីថ្ងៃចុងក្រោយនេះ បានកើនឡើងដល់ ៧១ នាក់ហើយ នេះបើតាមការបញ្ជាក់របស់មន្ត្រីគ្រប់គ្រងគ្រោះមហន្តរាយជាន់ខ្ពស់របស់រដ្ឋមួយនេះ។

Read. អ្នកអត្ថាធិប្បាយអំពីស្ថានភាពគ្រោះមហន្តរាយនៅតំបន់ភ្នំ នៃអាជ្ញាធរគ្រប់គ្រងគ្រោះមហន្តរាយរដ្ឋ Himachal Pradesh លោក Onkar Chand Sharma បាននិយាយថា ការងារសង្គ្រោះ និងជួយសង្គ្រោះកំពុងដំណើរការនៅក្នុងតំបន់ដែលរងផលប៉ះពាល់ក្នុងរដ្ឋ ហើយចំនួនអ្នកស្លាប់ និងការប៉ាន់ប្រមាណនៃការខូចខាតសរុប អាចកើនឡើងទៀត នៅថ្ងៃខាងមុខ។

លោកក៏បាននិយាយផងដែរថា ការបាត់បង់អាយុជីវិតមនុស្ស និងការខូចខាតទ្រព្យសម្បត្តិក្នុងអំឡុងពេលពីរសប្តាហ៍កន្លងមក គឺច្រើនជាងអ្វីដែលរដ្ឋបានឃើញ ក្នុងអំឡុងខែកក្កដាទាំងមូល។

«ការខូចខាតកាន់តែច្រើនបានកើតឡើងក្នុងអំឡុងពេលថ្ងៃទី ១៣, ១៤ និង ១៥ ខែសីហា ច្រើនជាងខែកក្កដាទាំងមូល ទាក់ទងនឹងគ្រោះមហន្តរាយការណ៍។ ចំនួនមនុស្សស្លាប់ មានចំនួន ៧១ នាក់ ហើយមានការខាតបង់ទ្រព្យសម្បត្តិ។ ការប៉ាន់ប្រមាណអាចកើនឡើង ព្រោះឥឡូវនេះ មនុស្សចូលរួមក្នុងការងារជួយសង្គ្រោះនិងជួយសង្គ្រោះហើយការប៉ាន់ប្រមាណលម្អិតនឹង ត្រូវការពេលវេលា»

របាយការណ៍ប្រព័ន្ធផ្សព្វផ្សាយបានដកស្រង់សម្តីមន្ត្រីរូបនេះ ដោយបន្ថែមថា មនុស្ស ២៥០០ នាក់ត្រូវបានជម្លៀស ទៅកាន់កន្លែងមានសុវត្ថិភាព។ ទន្ទឹមនឹងនេះ រដ្ឋាភិបាលរដ្ឋបានសម្រេចបិទគ្រឹះស្ថានអប់រំទាំងអស់ នៅថ្ងៃព្រហស្បតិ៍ ដើម្បីធានាសុវត្ថិភាពសិស្ស។ សាលារៀនជាច្រើនត្រូវបានបិទនៅក្នុងរដ្ឋ អស់រយៈពេលពីរថ្ងៃ កន្លងមកនេះ ដោយសារអាកាសធាតុអាក្រក់ ចំពេលមានការបាក់ដី និងស្ថានភាពដូចទឹកជំនន់៕ ប្រភពពី Xinhua ប្រែសម្រួល៖ សារ៉ាត