(ភ្នំពេញ)៖យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៨ ខែវិច្ឆិកា ឆ្នាំ២០២៣ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ១៨លើក បណ្ដាលឲ្យមនុស្សស្លាប់ ១៤នាក់និងរងរបួសធ្ងន់ស្រចំនួន ៤២នាក់។

ប្រភពព័ត៌មានដដែលបញ្ជាក់ថា គ្រោះថ្នាក់ដែលបង្កឲ្យមនុស្សស្លាប់ ១៤នាក់, របួសធ្ងន់ ២២នាក់ និងរបួសស្រាល ២០នាក់ គឺកើតឡើងដោយសារការប៉ះទង្គិចគ្នាចំនួន ១៨លើក រួមមាន ៖ កត្តាល្បឿន ៧លើក ស្លាប់ ១០នាក់មិនគោរពសិទ្ធិ ៣លើក ស្លាប់ ២នាក់មិនប្រកាន់ស្តាំ ២លើក ស្លាប់ ១នាក់ ប្រជែងគ្រោះថ្នាក់ ២លើក ស្លាប់ ១នាក់ បត់គ្រោះថ្នាក់ ១លើក ស្រវឹង ១លើក កត្តាយាន ១លើក និងងងុយ ១លើក ៕

ដោយ ៖ ប៊ុនធី និង ភារ៉ា