បរទេស៖ សត្វលាបាននិងកំពុងផ្តល់ជីវភាពរស់នៅ សម្រាប់ស្ត្រីៗ នៅតំបន់ ហ្គាហ្សា ចំពេលមានសង្រ្គាម ដែលនាំឲ្យខ្វះខាតប្រេងឥន្ធនៈ យ៉ាងខ្លាំង។

ជីវភាពរស់នៅ របស់លោកស្រី Amina Abu Maghasib ពឹងផ្អែកលើសត្វលាមួយក្បាល ខណៈដែលសត្វលានេះ ត្រូវបានប្រើ សម្រាប់អូសរទេះ ផ្តល់សេវាកម្មដឹកជញ្ជូន នៅជុំវិញតំបន់ Gaza។ ហ្គា ហ្សា ជាទីកន្លែងដែលជួបសង្រ្គាម អូសបន្លាយ ជាងមួយឆ្នាំ និងនាំឱ្យមានការខ្វះខាតប្រេងឥន្ធនៈយ៉ាងទូលំទូលាយ សម្រាប់យានជំនិះ។

ថ្លែងនៅតំបន់​ Deir el-Balah ភាគកណ្តាល តំបន់ហ្គាហ្សា លោកស្រី អាមីណា បានរៀបរាប់ថា «មុនពេលសង្គ្រាម ខ្ញុំធ្លាប់លក់ទឹកដោះគោ និងទឹកដោះគោជូរ ហើយរោងចក្រ ក៏ធ្លាប់យកទឹកដោះគោ ពីខ្ញុំ ដោយដឹកតាមរទេះ អូស ដោយសត្វលានេះ»។

គួរបញ្ជាក់ថា ចំនួនអ្នកស្លាប់នៅតំបន់ Gaza កើនឡើងដល់ ៤៤,២០០នាក់ហើយ ចាប់តាំងពីមានការវាយប្រហារសងសឹក របស់អ៊ីស្រាអែល ឆ្លើយតបនឹងពួកហាម៉ាស់-ប៉ាឡេស្ទីន ដែលបានវាយប្រហារចូលទឹកដីអ៊ីស្រាអែល ស្លាប់មនុស្សជាង ១ពាន់នាក់ កាលពីខែតុលា ឆ្នាំ២០២៣៕

ប្រភពពី AFP ប្រែសម្រួល៖ សារ៉ាត