លោកស្នងការនគរបាលខេត្តតាកែវ ប្រាប់អធិការក្រុងដូនកែវ ឱ្យដាក់គោលដៅពេលយប់នៅតាមផ្លូវងាយរងគ្រោះ
តាកែវ៖ក្នុងពិធីជួបសំណេះសំណាល និងចាត់តាំងឧត្តមសេនីយ៍ត្រី ប៊ុន ណារ៉ុង ស្នងការរងឱ្យចុះទៅប្រចាំការ នៅអធិការដ្ឋាននគរបាលក្រុងដូនកែវកាលពីព្រឹកថ្ងៃពុធ ទី១៦ ខែ កក្កដា ឆ្នាំ២០២៥ ឧត្ដមសេនីយ៍ទោ ម៉ែន លី ស្នងការនគរបាលខេត្តតាកែវបានណែនាំដល់អធិការក្រុងដូនកែវ ដាក់គោលដៅពេលយប់នៅតាមផ្លូវងាយរងគ្រោះ ទប់ស្កាត់និងឱ្យបានទាន់ពេលវេលានិងកាត់បន្ថយបទល្មើសផ្សេងៗដែលកើតមានឡើងនៅក្នុងមូលដ្ឋាន។
ឧត្តមសេនីយ៍ទោស្នងការនគរបាលខេត្តតាកែវបានថ្លែងបន្តដោយក្រើនរំលឹកឱ្យពង្រឹងវិន័យកងកម្លាំងនគរបាលជាតិ និងរក្សាសាមគ្គីភាពផ្ទៃក្នុង។ បន្តការចុះផ្តល់សេវាសាធារណៈជូនប្រជាពលរដ្ឋជាប្រចាំឱ្យបានទាន់ពេលវេលា។ បង្កើនការចេញល្បាតចល័តតាមតំបន់ងាយរងគ្រោះ។ដាក់គោលដៅត្រួតពិនិត្យអាវុធជាតិផ្ទុះ និងគ្រឿងស្រវឹង ពិសេសត្រៀមកម្លាំងនគរបាលនៅប៉ុស្តិ៍សេវាប្រចាំការ២៤ម៉ោង លើ២៤ម៉ោងសម្រាប់ទទួលព័ត៌មានទាន់ហេតុការណ៍ ។បន្តអនុវត្តការចុះរឺតបន្តឹងច្បាប់ចរាចរណ៍ផ្លូវគោកដើម្បីកាត់បន្ថយគ្រោះថ្នាក់៕
ដោយ៖សាំង សារ៉ាវី
