អ្នកនាំពាក្យក្រសួងអធិការកិច្ច ជូនដំណឹងថា មានជនខិលខូចយកឈ្មោះ ឯកឧត្តម សុខ សូកេន ទៅបង្កើតគណនេយ្យហ្វេសប៊ុកក្លែងក្លាយ និងសូមឱ្យសមត្ថកិច្ចជួយចាត់វិធានការផ្លូវច្បាប់
អត្ថបទដោយ៖
ឈឹម សុផល
ភ្នំពេញ៖ អ្នកនាំពាក្យក្រសួងអធិការកិច្ច សូមជម្រាបជូនសាធារណៈជនជាតិ និងអន្តរជាតិ មេត្តាជ្រាបថា ៖ ក្នុងរយៈពេលប៉ុន្មានម៉ោងកន្លងទៅនេះ មានក្រុមជនខិលខូចបានប្រើឈ្មោះ ឯកឧត្តម សុខ សូកេន រដ្ឋមន្ត្រីក្រសួងអធិការកិច្ច ទៅបង្កើតគណនីFacebook ក្លែងក្លាយ និងបានផ្ញើសារឆ្លើយឆ្លងទៅកាន់សាធារណជនជាបន្ដបន្ទាប់។
អ្នកនាំពាក្យក្រសួងអធិការកិច្ច សូមប្រកាសបដិសេធ និងមិនទទួលខុសត្រូវចំពោះករណីគណនីនេះ ដែលបង្កបញ្ហា ឬផលប៉ះពាល់ណាមួយ និងសូមស្នើដល់ស្ថាប័នមានសមត្ថកិច្ចចាត់វិធានការតាមផ្លូវច្បាប់ចំពោះក្រុមជនខិលខូចនេះជាបន្ទាន់ ទៅតាមនីតិវិធីច្បាប់៕
ឈឹម សុផល
ពីឆ្នាំ៩១-៩៦ គឺជាអ្នកយកព័ត៌មាន ទូរទស្សន៍ជាតិកម្ពុជា។ ពីឆ្នាំ៩៦ដល់បច្ចុប្បន្ន បម្រើការងារព័ត៌មាននៅទូរទស្សន៍អប្សរា។ ក្រោមការអនុវត្តប្រឡូកក្នុងវិស័យព័ត៌មាន រយៈពេលជាច្រើនឆ្នាំ នឹងផ្ដល់ជូនមិត្តអ្នកអាននូវព័ត៌មានប្រកបដោយគុណភាព និងវិជ្ជាជីវៈ។
