វ៉ាស៊ីនតោន ៖ អនុប្រធានាធិបតីអាមេរិក លោក JD Vance បាននិយាយ កាលពីថ្ងៃអង្គារ បន្ទាប់ពីកិច្ចពិភាក្សា នៅទីក្រុងហ្សឺណែវ ថា ប្រទេសអ៊ីរ៉ង់ នៅតែមិនបានយល់ព្រមលើ “បន្ទាត់ក្រហម” ទាំងអស់ ដែលកំណត់ដោយប្រធានាធិបតីអាមេរិក លោក Donald Trump សម្រាប់ដំណោះស្រាយការទូតនោះទេ។

លោក Vance បាននិយាយ នៅក្នុងបទសម្ភាសន៍ របស់ Fox News ថា «តាមវិធីខ្លះ វាដំណើរការល្អ ពួកគេបានយល់ព្រមជួប នៅពេលក្រោយ»។ លោក Vance បានប្រាប់កម្មវិធី “The Story with Martha MacCallum” ទៀត ថា «ប៉ុន្តែ តាមវិធីផ្សេងទៀត វាច្បាស់ណាស់ថា ប្រធានាធិបតី បានកំណត់បន្ទាត់ក្រហមមួយចំនួន ដែលអ៊ីរ៉ង់មិនទាន់មានឆន្ទៈ ក្នុងការទទួលស្គាល់ និងដំណើរការពិតប្រាកដ»។

លោក Vance បាននិយាយថា «យើងនឹងបន្តដំណើរការវា។ ប៉ុន្តែ ជាការពិតណាស់ ប្រធានាធិបតី រក្សាសមត្ថភាពក្នុងការនិយាយ រហូតទាល់តែលោកគិតថា ការទូតបានឈានដល់ទីបញ្ចប់ តែ សង្ឃឹមថា យើងនឹងមិនឈានដល់ចំណុចនោះទេ ប៉ុន្តែ ប្រសិនបើយើងធ្វើ នោះនឹងក្លាយជាការសម្រេច របស់ប្រធានាធិបតី»៕

ប្រភពពី AFP ប្រែសម្រួល ៖ សារ៉ាត