វ៉ាស៊ីនតោន ៖ ប្រធានាធិបតីអាមេរិក លោក Donald Trump បានប្រកាស កាលពីថ្ងៃសុក្រថា លោកនឹងដាក់ពន្ធសកលថ្មី ១០ភាគរយ លើបណ្តាប្រទេសដៃគូពាណិជ្ជកម្ម របស់សហរដ្ឋអាមេរិក។

ថ្លែងទៅកាន់អ្នកសារព័ត៌មាន បន្ទាប់ពីតុលាការកំពូល បានកាត់សេចក្តីថា ពន្ធគយសកល របស់លោក ខុសច្បាប់, លោក Trump បាននិយាយថា លោកនឹងដាក់ពន្ធ ដោយប្រើប្រាស់ជម្រើសអំណាចផ្សេងជំនួស។

លោកបាននិយាយថា «សេចក្តីសម្រេច របស់តុលាការកំពូល នៅថ្ងៃនេះ បានធ្វើឱ្យសមត្ថភាពរបស់ប្រធានាធិបតីមួយរូប ក្នុងការគ្រប់គ្រងពាណិជ្ជកម្ម និងការដាក់ពន្ធ កាន់តែមានឥទ្ធិពល និង ច្បាស់លាស់ ជាងមុន ឆ្ងាយ»។

តុលាការកំពូលអាមេរិក កាលពីថ្ងៃសុក្រ បានចេញសាលក្រមសម្រេច ក្នុងសំឡេង ៦ ទល់នឹង ៣ លុបចោលការយកពន្ធគយ របស់លោក ត្រាំ និងចាត់ទុកថា ជារឿងខុសច្បាប់។

ជុំវិញចំណាត់ការនេះ លោក Donald Trump បាននិយាយថា អាចចំណាយពេលច្រើនឆ្នាំ ដើម្បីដោះស្រាយបញ្ហាផ្លូវច្បាប់ថា តើទឹកប្រាក់ចំនួន ១៣៣ពាន់លានដុល្លារ ដែលយកពីការតំឡើងពន្ធ របស់លោក ត្រូវតែសងវិញ ឬ អត់។

តាមច្បាប់អាមេរិក, រាល់ការចង់ដំឡើងពន្ធគយរបស់រដ្ឋាភិបាល ត្រូវតែឆ្លងស្ថាប័នសភា និង ​តុលាការកំពូល៕

ប្រភពពី AFP ប្រែសម្រួល ៖ សារ៉ាត