សហរដ្ឋអាម៉េរិក៖ លោក Tim Cook នាយកប្រតិបត្តិរបស់ក្រុមហ៊ុន Apple បាននិយាយថ្មីៗនេះ ដោយទទួលស្គាល់ថា ដោយសារតែតម្លៃថ្លៃ សម្រាប់សេរី iPhone XS, XS Max និង iPhone XR ជាដើមនោះ ទើបការលក់ជួបហានិភ័យ។

អំឡុងការប្រកាសពីចំណូលប្រចាំត្រីមាសចុងក្រោយនេះ Apple ក៏បានសម្រេចថា នឹងផ្លាស់ប្ដូរយុទ្ធសាស្ត្រកំណត់តម្លៃ iPhone លើទីផ្សារអន្តរជាតិ ដោយអាចមានជាការទម្លាក់តម្លៃនៅលើទីផ្សារប្រទេសឥណ្ឌា ឬ ប្រេស៊ីលជាដើម។ កន្លងមក Apple បានបញ្ចុះតម្លៃ iPhone លើទីផ្សារពីររួចមកហើយ រួមមានប្រទេសចិន និងប្រទេសជប៉ុន។

ចំណូលពីការលក់ iPhone ប្រចាំត្រីមាសចុងក្រោយនៃឆ្នាំ២០១៨ មានការធ្លាក់ចុះ១៥% ធៀបនឹងឆ្នាំមុន ទើបលោក Tim Cook ត្រូវបានគេចោទសួរក្នុងអំឡុងការប្រកាស ទាក់ទងនឹងតម្លៃ iPhone បែបនេះ៕ធ.ដ