កម្លាំងនគរបាលខណ្ឌ៧មករា បំបែកសម្បុកគ្រឿងញៀននៅអគារបុរីកីឡា ឃាត់ខ្លួនបានជនសង្ស័យ៥នាក់ និងថ្នាំញៀន១៧កញ្ចប់
ភ្នំពេញៈ៖ ជនសង្ស័យ៥នាក់ ត្រូវបានកម្លាំងនគរបាលចម្រុះខណ្ឌ៧មករា ឃាត់ខ្លួនពាក់ព័ន្ធនឹងករណីប្រើប្រាស់ និងជួញដូរថ្នាំញៀន កាលពីរសៀលថ្ងៃទី២៩ ខែមករា ឆ្នាំ២០១៩ នៅបន្ទប់អគារជានទី៣ ក្នុងបុរីកីឡាក្នុងសង្កាត់ វាលវង់ ខណ្ឌ៧មករា រាជធានីភ្នំពេញ។
តាមប្រភពព័ត៌មានពីកម្លាំងសមត្ថកិច្ចបានឲ្យដឹងថា មុនឈានដល់ការឃាត់ខ្លួនជនសង្ស័យទាំង៥នាក់នេះ គឺកម្លាំងបានទទួលសេចក្តីរាយការណ៍ពីប្រជាពលរដ្ឋក្នុងមូលដ្ឋាន ទើបកម្លាំងបានដាក់កម្លាំងឃ្លាំមើលរហូតឃើញ ជនសង្ស័យកំពុងធ្វើសកម្មភាពប្រើប្រាស់ និងជួញដូរថ្នាំ កម្លាំងសមត្ថកិច្ចក៏ចុះឡោព័ទ្ធក្របួចបានជនសង្ស័យទាំង៥នាក់ ព្រមទាំងដកហូតបានថ្នាំញៀនមួយចំនួន រួមទាំងសម្ភារប្រើប្រាស់ជាច្រើនផងដែរ។ សមត្ថកិច្ចបានបន្តថា ជនសង្ស័យទាំង៥នាក់ ទី១)ឈ្មោះ នេង សុខឃាង ភេទប្រុស អាយុ១៦ ឆ្នាំ ទី២)ឈ្មោះ គីម ថៃ ភេទប្រុស អាយុ២៤ឆ្នាំ ទី៣)ឈ្មោះ យាន យិតា ភេទប្រុស អាយុ២៤ឆ្នាំ ទី៤)ឈ្មោះ ឆាយ ឌីន ភេទប្រុស អាយុ ៣២ឆ្នាំ និងទី៥) ឈ្មោះ សុផា ណេត ភេទប្រុស អាយុ១៧ឆ្នាំ។ ក្រោយឃាត់ខ្លួន ជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌ៧មករា ដើម្បីចាត់ការតាមនីតិវិធី ច្បាប់៕
