សហរដ្ឋអាម៉េរិក៖ ទីភ្នាក់ងារអវកាសអាម៉េរិក NASA បានគូសបញ្ជាក់ថា មានអាចម៍ផ្កាយមួយដុំរាងដូចជាសត្វដំរីទឹក បានហោះមកកាត់ផែនដីនាពេលថ្មីៗនេះ។ អង្គការអវកាសអន្តរជាតិមួយនេះ បានឱ្យដឹងទៀថា ដុំថ្មអវកាសមានឈ្មោះថា 2003 SD220 បានហោះកាត់ផែនដីក្នុងចម្ងាយ២,៩លានគីឡូម៉ែត្រ គឺប្រហែល៧,៥ដងនៃគម្លាតពីភពរបស់យើងទៅកាន់ឋានព្រះចន្ទ។

អាចម៍ផ្កាយ 2003 SD220 មានបណ្តោយប្រវែង១,៦គីឡូម៉ែត្រ ដោយវានឹងត្រឡប់មកក្បែរផែនដីជាថ្មីម្តងទៀតនៅឆ្នាំ២០៧០ ក្នុងរយៈចម្ងាយកៀកជាងលើកនេះបន្តិច។ សូមបញ្ជាក់ថា នេះជារយៈចម្ងាយកៀកផែនដីបំផុតដែលអាចម៍ផ្កាយខាងលើ ធ្លាប់មកក្បែរភពយើងក្នុងអំឡុងពេល៤០០ឆ្នាំកន្លងទៅនេះ៕