បារាំង៖ មន្រ្តីយុត្តិធម៌បារាំងមួយរូបបានឱ្យដឹងថា មនុស្ស៦នាក់ ត្រូវបានប៉ូលិសចាប់ខ្លួន ក្នុងក្របខណ្ឌនៃការស៊ើបអង្កេតបឋម ជុំវិញការរៀបចំផែនការវាយប្រហារលើប្រធានាធិបតីបារាំង លោក អែមម៉ានុយអែល ម៉ាក្រុង។ ជនសង្ស័យទាំង៦ខាងលើ ត្រូវបានចាប់ខ្លួននៅក្នុងប្រតិបត្តិការវាយឆ្មក់ដាច់ដោយឡែកពីគ្នានៅក្នុងតំបន់ Isere ស្ថិតនៅភាគអាគ្នេយ៍ទីក្រុងលីយ៉ុង តំបន់ Moselle ស្ថិតនៅជាប់ព្រំដែនជាមួយអាល្លឺម៉ង់ និងលុចហ្សំបួរ ព្រមទាំងតំបន់ Ille-et-Vilaine ភាគពាយ័ព្យក្បែរទីក្រុង Rennes។