ក្រុមមហាគ្រួសាររថយន្ត OFF ROADនាំយកអំណោយទៅចែកជូន ពលរដ្ឋដែលរងគ្រោះដោយទឹកជំនន់ នៅឃុំ ពន្លៃ និងភ្នំដី ខេត្តបន្ទាយមានជ័យ
ដោយមើលឃើញពីស្ថានភាពលំបាក របស់ប្រជាពលរដ្ឋរងគ្រោះ ដោយទឹកជំនន់ចំនួន១១០គ្រួសារស្ថិតនៅភូមិ ឈូកអាង ឃុំ ពន្លៃ និងភូមិខ្ចាយ ឃុំ ភ្នំដី ស្រុកភ្នំស្រុក ខេត្តបន្ទាយមានជ័យកំពុងប្រឈមខ្វះខាតនូវស្បៀងអាហារអំឡុងពេលជំនន់ទឹកភ្លៀវជនលិចនៅដ្ឋាន ក្រុមមហារគ្រួសាររថយន្តOFF ROAD កម្ពុជា ដឹកនាំដោយលោកព្រុំ រស្មី និង លោក ញឹម សុវណ្ណារ៉ូរួមជាមួយសមាជិករថយន្តOFF ROADភ្នំពេញ និងខេត្តបន្ទាយមានជ័យប្រមាណជា១៩រថយន្តបាននាំយកអំណោយសង្រ្គោះប្រគល់ដល់ដៃប្រជាពលរដ្ឋហើយ កាលពីថ្ងៃ សៅរ៍ ចុងសប្តាហ៍។
លោក ព្រុំ រស្មី បានបញ្ជាក់ថា អំណោយសប្បុរសធម៍ដែលក្រុមមហារគ្រួសាររថយន្ត OFF ROADកម្ពុជាយកទៅប្រគល់ជូនពលរដ្ឋកំពុងរងគ្រោះដោយគ្រោះទឹកជំន់នៅក្នុងភូមិឃុំចំនួន២ ស្ថិតនៅក្នុងខេត្ត បន្ទាយមានជ័យនេះ គឺទទួលបានពីការបរិច្ចាគពីបងប្អូនរថយន្តOFF ROADទូទាំងប្រទេសកម្ពុជា។ លោក បន្តទៀតថា ការចូលរួមបរិច្ចាគជាថិការពីក្រុមគ្រួសារមហាររថយន្តOFF ROADកម្ពុជា ដើម្បីទិញជាសម្ភារៈគ្រឿងឧបភោគបរិភោគជួយដល់ប្រជាពលរដ្ឋរងគ្រោះដោយទឹកជំនន់នៅភូមិ ឃុំចំនួន២ខាងលើនេះ គឺជាការចូលរួមចំណែកកាត់បន្ថយការលំបាករបស់ប្រជាពលរដ្ឋបណ្តោះអាសន្នគ្រាដែលលំនៅដ្ឋានកំពុងលិចលុងដោយជំនន់ទឹកភ្លៀង។
លោក ញឹម សុវណ្ណារ៉ូ ប្រតិភូដឹកនាំ បានបន្ថែមដែរថា ថវិកាដែលយើងយកទិញសម្ភារៈសម្រាប់ចែកជូនពលរដ្ឋរងគ្រោះនៅភូមិ ឃុំខាងលើនេះ យើងបានធ្វើការគៀងគររ៉ៃអង្គាសពីបងប្អូនដែលជាសមាជិកក្រុមរយៈពេល២ថ្ងៃទទួលបានថវិកាជាច្រើន ហើយ ថវិកាទាំងនោះ យើងបានទិញគ្រឿងឧបភោគបរិភោគដូចជាសំភារៈសំរាប់ចែកជូនប្រជាជនចនួន១១០គ្រសារមាន អង្ករ ៣ តោន មី ១១៥ កេះ ទឹកត្រី ១១៥ យួរ ទឹកស៊ីអ៊ីវ ១១៥ យួរ អំបិល ១១៥ កញ្ចប់ ប៊ីចេង ១១៥ កញ្ចប់ ស្ករស ១១៥ កញ្ចប់ ទឹកបរិសុទ្ធ ៣០០ យួរ ប្រេងឆា ១១៥ ដប
និងថវិកា ៦លានរៀល ដើម្បីឲ្យពួកគាត់បានដោះស្រាយក្នុងការហូបចុកភ្លាមៗគ្រាដែលជួបការលំបាក់ពេលជំលាសភៀសខ្លួនមកកាន់ទីទួលសុវត្ថិភាព។ លោក បញ្ជាក់ទៀតថា ការចុះចែកអំណោយជួយដល់ពេលរដ្ឋក្រីក្រ និងពលរដ្ឋរងគ្រោះនេះ មិនមែនជាលើកទី១របស់ក្រុមមហាគ្រួសាររថយន្ត OFF ROAD កម្ពុជាយើងឡើយ ព្រោះចាប់តាំងពីមហាគ្រួសាររថយន្តOFF ROADកម្ពុជា មានវត្តមាន៧មកឆ្នាំមកនេះ យើងតែងតែចុះចែកអំណោយសប្បុរសធម៍ជូនដល់ពលរដ្ឋខ្វះខាតនៅតំបន់ដាច់ស្រយាល់។
លោក មាស រី ប្រជាពលរដ្ឋរងគ្រោះដោយទឹកជំនន់
លោក មាស រី ប្រជាពលរដ្ឋរងគ្រោះដោយទឹកជំនន់ បានបង្ហាញអារម្មណ៍រីករាយបន្ទាប់ពីបានទទួលអំណោយសង្គ្រោះពីក្រុមមហាគ្រួសាររថយន្ត OFF ROAD កម្ពុជា ហើយបានចាត់ទុកការជួយសង្រ្គោះនេះជាទឹកចិត្តសប្បុរសធម៍មិនអាចកាត់ថ្លៃបាន។ បន្ទាប់ពីបញ្ចប់សកម្មភាពចែកអំណោយសមនុស្សធម៍ ក្រុមមហាគ្រួសាររថយន្តOFF ROADកម្ពុជាដឹកនាំដោយលោកព្រុំ រស្មី និង លោក ញឹម សុវណ្ណារ៉ូរួមជាមួយសមាជិកOFF ROADភ្នំពេញបានបន្តដំណើរផ្សព្វផ្សាយពីតំបន់ទេសចរណ៍តាមរយៈការធ្វើដំណើរOFF ROADពីខេត្ត បន្ទាយមានជ័យ ឆ្ងងកាត់ខេត្តបាត់ដំបង ខេត្តពោធិ៍សាត់លើកំពូលភ្នំ១៥០០ និងស្នាក់នៅមួយយប់ក្នុងរមណីរដ្ឋានបុប្ផាលាក់ខ្លួន ក្នុងទឹកដីថ្មដា ខេត្ត កោះកុង រួចស្អែកថ្ងៃ ទី២៦ បន្តដំណើរវិលចូលទីក្រុងភ្នំពេញ។សូមបញ្ជាក់ថា ក្រុមរថយន្តមហាគ្រួសារOFF ROADកម្ពុជា បានបង្កើតឡើងរយះពេល៧ឆ្នាំហើយ ដោយក្រុមខាងលើនេះ តែងតែធ្វើការផ្សព្វផ្សាយពីសក្តានុពលទេសចរណ៍ និងផ្សព្វផ្សាយអភិវឌ្ឍវិស័យកីឡាOFF ROADនៅកម្ពុជា ក្រុមនេះក៍ជាក្រុមសកម្មខាងការងារមនុស្សធម៍ផងដែរ៕
