លោកជំទាវ ចឹក ហេង អនុប្រធានអចិន្ត្រៃយ៍ តំណាងឯកឧត្តម ប្រាក់ សុវណ្ណ ប្រធានគណៈកម្មាធិការ សាខាកាកបាទក្រហមកម្ពុជា ខេត្តព្រះវិហារ បានអញ្ជើញជាអធិបតី ក្នុងពិធី ប្រកាសទទួលស្គាល់សមាសភាព   គណៈកិត្តិយស គណៈកម្មាធិការអនុសាខា ស្រុកត្បែងមានជ័យ ក្រុមកាកបាទក្រហមកម្ពុជាឃុំ កាលពីថ្ងៃទី២៦ ខែមករា ឆ្នាំ២០២១ ក្នុងអគារសាខាកាកបាទក្រហមកម្ពុជាខេត្តព្រះវិហារ។

លោកជំទាវ ចឹក ហេង អនុប្រធានអចិន្ត្រៃយ៍សាខាកាកបាទក្រហមកម្ពុជាខេត្តព្រះវិហារ បានថ្លែងទៅកាន់បងប្អូនសមាជិក សមាជិកា អនុសាខាទាំងអស់ថា៖

១-ត្រូវបន្តរក្សាសាមគ្គីផ្ទៃក្នុងអោយបានកាន់តែជិតស្នទ្ធ និងសុខដុមរមណីកម្ម។

២-បន្តពង្រឹងសមត្ថភាពមន្ត្រីអនុសាខា។

៣-បន្តពង្រឹងកិត្តិនាមរបស់កាកបាទក្រហមកម្ពុជា បំពេញ ការងារតាមគោលការណ៍ទាំង៧ របស់ចលនា ធ្វើសកម្មភាពដូចភ្លៀងរលឹម។

៤-បន្តពង្រឹង ពង្រីកកម្លាំងយុវជន អ្នកស្ម័គ្រចិត្តកាកបាទ ក្រហមកម្ពុជា អោយនៅតែជាបណ្តាញដ៏រឹងមាំ និងជាកម្លាំងចលករនៃសេវាកម្មមនុស្សធម៌ មាននិរន្តរភាព និងប្រកបដោយប្រសិទ្ធភាព។

៥-បន្តការគាំទ្រ ពង្រឹង ពង្រីក សមាជិកភាព និងកៀរគរសប្បុរសជន។

៦-បន្តលើកកម្ពស់ចងក្រងឯកសារ ថែទាំសមិទ្ធផលរបស់កាកបាទ ក្រហមកម្ពុជា ដែលផ្តល់ជូនសហគមន៍។

៧-បន្តពង្រឹង និងលើកកម្ពស់របបរាយការណ៍ សកម្មភាព និងរបាយ ការណ៍វឌ្ឍនភាពរបស់អនុសាខា និងផ្តល់របាយការណ៍ អោយបានទាន់ពេលវេលាមកសាខា។

ជាមួយនឹងការជម្រុញនោះ លោកជំទាវ ចឹក ហេង ក៏បានធ្វើការផ្សព្វផ្សាយពីគោលការណ៍គ្រឹះ របស់កាកបាទក្រហមកម្ពុជា ជូនដល់សមាជិក សមាជិកា គណៈកិត្តិយស គណៈ កម្មាធិការអនុសាខា ក្រុមកាកបាទក្រហមកម្ពុជាសង្កាត់ អ្នកស្ម័គ្រចិត្តកាកបាទក្រហមកម្ពុជាប្រចាំភូមិ ផងដែរ៕សួនលីណា