ក្រុមស្តេចសរ Real Madrid ​នឹងត្រូវ​ប្រកួត​ជើង​ទី​២​ជាមួយ​ក្រុម Atalanta ​នៅ​យប់​នេះ​ ​ក្នុង​ពាន​រង្វាន់ UEFA Champions League ​វគ្គ​១៦​ក្រុម​ចុង​ក្រោយ ដោយគ្មានខ្សែ​ប្រយុទ្ធ Eden Hazard ។ មូលហេតុដែល Eden Hazard ​មិនអាចជួយ Real Madrid នៅយប់នេះដោយសារបញ្ហា​របួស​សាច់​ដុំ​ ​ក្រោយ​ពី​ចូល​លេង​កាល​ពីប្រកួតជើងទី១ ​បាន​ត្រឹម​តែ​ប៉ុន្មាន​នាទី​ចុង​ក្រោយ​ប៉ុណ្ណោះ។​

គួរំលឹកថា កាលពីជើង​ទី​១ក​ន្លង​ទៅ​ ​ក្រុម Real Madrid ​បាន​យក​ឈ្នះ​ក្នុង​លទ្ធផល ​១-០ នៅ​ទឹក​ដី​អ៊ីតាលី​ ។ ខណៈ​ដែល​ជើង​ទី​២​នៅ​រាត្រី​នេះ ​ក្រុម Real Madrid ​បាន​ប្រកាស​ថា​ខ្សែ​ប្រយុទ្ធ​ទើប​ជា​ពី​របួស Hazard ​នឹង​មិន​បាន​ចូល​លេង​នោះ​ទេ។ ​កីឡាករ​បែលហ្សិក​រូប​នេះ ​មាន​បញ្ហា​សាច់​ដុំ​ទៀត​ទៅ​ហើយ ដែល​នឹង​ត្រូវ​សម្រាក​យ៉ាង​តិច​៦​សប្ដាហ៍​ទៅ​មុខ​ទៀត។ ដោយ​របួស​លើក​នេះ ជា​លើក​ទី​៨​ហើយ​តាំង​ពី​ផ្លាស់​មក​លេង​នៅ Real ​នៅ​ឆ្នាំ​២០១៩​មក៕