ម្តាយរបស់តារាចម្រៀង វី ឌីណែត និងជាភរិយារបស់តារាចម្រៀងជើងចាស់ ហួរ ឡាវី គឺអ្នកកស្រី ងឿន សុថានី បានទទួលមរណភាពនៅរសៀលថ្ងៃសុក្រ ទី១៩ ខែមីនា ឆ្នាំ២០២១ អំឡុងពេលសំរាកព្យាបាលជំងឺកូវីដ១៩។

កញ្ញា វី ឌីណែត ខ្លួនកំពុងព្យាបាលជំងឺកូវីដ១៩ ផងដែរនោះ បានបង្ហាញសារតាមបណ្តាញផេកហ្វេសប៊ុកថាខ្លួនបានប្តូររូបភាពកាន់ទុក្ខភ្លាមៗ ខណៈលោក ហួរ ឡាវី បានបង្ហោះសារថា «អូនអើយសូមអូនវិលត្រឡប់មកផ្ទះវិញ មកប្តីអង្គុយចាំមើលផ្លូវប្រពន្ធទាំងទឹកភ្នែក តស៊ូឡើងអូន សាធុ.សាធុសាធុ»។

សូមបញ្ជាក់ថា អ្នកស្រី ងឿន សុថានី កំពុងសម្រាកព្យាបាលជំងឺកូវីដ-១៩ បន្ទាប់ពីរកឃើញឆ្លងតាមរយៈព្រឹត្តិការណ៍សហគមន៍២០ កុម្ភះ៕