លោកទូតជប៉ុនប្រចាំប្រទេសថៃបានឆ្លងជំងឺកូវីដ១៩
អត្ថបទដោយ៖
លន់ សារ៉ាត
ឯកអគ្គរដ្ឋទូតជប៉ុនប្រចាំប្រទេសថៃ លោក Kazuya Nashida បានឆ្លងជំងឺកូវីដ១៩ នេះបើតាមក្រសួងការបរទេសជប៉ុន បញ្ជាក់កាលពីចុងសប្តាហ៍ ដោយពុំមានព័ត៌មានលម្អិត។ ក្រសួងថា លោកទូតកំពុងត្រូវបានសម្រាកព្យាបាលនៅក្នុងមន្ទីរពេទ្យមួយនៅថៃ ហើយសុខភាពរបស់លោកល្អប្រសើរទេ។
ក្រសួងក៏ប្រកាសដល់អ្នកដែលទាក់ទងផ្ទាល់ ឬប្រយោលជាមួយលោកទូតជប៉ុនធ្វើតេស្តនិងចត្តាឡីស័ក។ រដ្ឋបាលគ្រប់គ្រងស្ថានភាពកូវីដ១៩ ក៏បានឲ្យដឹងកាលពីថ្ងៃទី៤ មេសាម្សិលមិញថា មានជនជាតិជប៉ុន៣នាក់ក្នុងចំណោមអ្នកឆ្លងក្នុងស្រុកសរុប៨៧នាក់ តែមិនច្បាស់ថា រួមបញ្ជូលទាំងលោកទូតជប៉ុនរូបនេះឬអត់៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
