យន្តហោះដឹកអ្នកដំណើររបស់ក្រុមហ៊ុនអាកាសចរណ៍ Ryanair អៀរឡង់បានចុះចតជាបន្ទាន់នៅព្រលានយន្តហោះអន្តរជាតិ Minsk រដ្ឋធានីប្រទេសបេឡារុសដោយសារមានគេរាយការណ៍ថាមានគ្រាប់បែកនៅលើយន្តហោះ ។

ប៉ុន្តែក្រោយពីត្រួតពិនិត្យរួច មិនបានរកឃើញមានឧបករណ៍បំផ្ទុះលើយន្តហោះនោះទេ បន្ទាប់មក យន្តហោះនេះបានហោះហើរជាថ្មីឡើងវិញ ព្រមនិងចុះចតនៅក្រុង Vilnius រដ្ឋធានីប្រទេសលីទុយអានី ដែលជាគោលដៅនៃការហោះហើរ ។

ហេតុការណ៍នេះបានកើតឡើង កាលពីថ្ងៃទី២៣ ឧសភា ដោយយន្តហោះប៊ូអ៊ីង737-800នេះបានហោះចេញពីក្រុងអាថែន ប្រទេសក្រិច ទៅកាន់ក្រុងវីលនីញូស ដែលមានផ្ទុកអ្នកដំណើរ ១២៣ នាក់៕