ទៀតហើយ! ទាំងប្រធានាធិបតី និងនាយករដ្ឋមន្ត្រីត្រូវបានពួកយោធាចាប់ខ្លួន
បន្ទាប់ពីកើតមានព្រឹត្តិការណ៍រដ្ឋប្រហារយោធានៅប្រទេសមីយ៉ាន់ម៉ា ប៉ុន្មានខែមកនេះនៃឆ្នាំ២០២១កន្លងមកនេះ ស្រាប់តែមានករណីប្រធានាធិបតីប្រទេសមួយ រួមនឹងនាយករដ្ឋមន្ត្រីផងបានពួកយោធាចាប់ខ្លួន។
ទីភ្នាក់ងារព័ត៌មាន Reuters បានចេញផ្សាយនៅទី២៥ ខែឧសភា ឆ្នាំ២០២១ ថាកងកម្លាំងយោធានៃប្រទេសម៉ាលី បានចាប់ខ្លួនប្រធានាធិបតី Bah Nadaw, នាយករដ្ឋមន្ត្រី Moctar Ouane និងរដ្ឋមន្ត្រីការពារជាតិរបស់ប្រទេសអាហ្វ្រិកមួយនេះ គឺលោកSouleymane Doucoure កាលពីថ្ងៃចន្ទ បន្ទាប់ពីការរុះរើគណៈរដ្ឋមន្ត្រីមួយត្រូវបានធ្វើឡើង ដោយពួកគេគឺត្រូវបានចាប់ខ្លួនទាំងអស់គ្នាតែម្តង យកទៅឃុំឃាំងជាបណ្តោះអាសន្ន នៅឯមូលដ្ឋានយោធាក្នុងតំបន់ Kati ស្ថិតនៅក្បែររដ្ឋធានី Bamako។
ប្រភពព័ត៌មានផ្ទៃក្នុងបានបញ្ជាក់ថា ការចាប់ខ្លួនប្រធានាធិបតី, នាយករដ្ឋមន្ត្រី និងរដ្ឋមន្ត្រីការពារជាតិ ត្រូវបានធ្វើឡើងក្រោយពីមានការរុះរើ គណៈរដ្ឋមន្ត្រីមួយ ហើយក្នុងនោះតំណែងមន្ត្រីយោធាសំខាន់ៗពីរនាក់ ដែលបានចូលរួមក្នុងការរឹបអូសអំណាចពីប្រធានាធិបតីមុន ត្រូវបានជំនួសដោយអ្នកថ្មីវិញ៕
