យោងតាមសេចក្ដីជូនដំណឹងរបស់រដ្ឋបាលខេត្តស្វាយរៀង បានឲ្យដឹងថា នៅថ្ងៃទី៣១ឧសភាឆ្នាំ២០២១ រដ្ឋបាលខេត្ត បានរកឃើញករណីវិជ្ជមានវីរុសកូវីដ-១៩ លើចំនួន១១នាក់។ អ្នកឆ្លងទាំង១១នោះ ជាកម្មករ កម្មការិនីនៅរោងចក្រ Smart Tech ចំនួន៨នាក់, រោងចក្រ A and J ចំនួន២នាក់ និងរោងចក្រ UT Light ម្នាក់។ ក្នុងចំណោអ្នកឆ្លងទាំង១១នាក់នោះ មានជនជាតិវៀតណាម៦នាក់ និងជនជាតិខ្មែរ៥នក់។

ជាមួយយគ្នានោះ រដ្ឋបាលខេត្តបានរកឃើញអ្នកប៉ះពាល់ផ្ទាល់ជាមួយអ្នកជំងឺកូវីដ-១៩នោះចំនួន៦៥នាក់។ រដ្ឋបាលខេត្តស្វាយរៀង បានអំពាវនាវដល់អ្នកផ្សេងទៀត ដែលមានពាក់ពន្ធ័ ឬដឹងខ្លួនថាបានប៉ះពាល់ដោយផ្ទាល់ ឬដោយប្រយោលជាមួយអ្នកវិជ្ជមានកូវីដ-១៩ទាំងនោះ ត្រូវធ្វើចត្តាឡីស័កនៅតាមផ្ទះរយៈពេល១៤ថ្ងៃ។ ប្រសិនបើមានបញ្ហាសុខភាពប្រែប្រួល ត្រូវផ្ដល់ព័ត៌មានទៅកាន់ទូរសព្ទ័លេខ ០៩៧ ៥០៣ ៤៥៦៧ ឬ០៤៤ ៧១២ ៥២២។