ហេតុការណ៍នោះបានកើតឡើងកាលពីវេលាម៉ោង ១១និង ២៣នាទីយប់ ថ្ងៃទី០១ ខែ មិថុនា ឆ្នាំ ២០២១ នៅចំណុចវត្តពពេច ស្ថិតនៅក្នុងភូមិក្របៅជ្រុំ ឃុំបាក់ចិញ្ចៀន ស្រុកភ្នំក្រវាញ ខេត្តពោធិ៍សាត់។

សមត្ថកិច្ចបានអោយដឹង បុរសរងគ្រោះមានឈ្មោះ ឡាយ សុខាន់ អាយុ ៣៣ឆ្នាំ។ យោងតាមរបាយការណ៍របស់ អធិការដ្ឋាននគរបាលស្រុកភ្នំក្រវាញ បានឲ្យដឹងថាជនរងគ្រោះបានរត់គេចចេញពីមណ្ឌលចត្តាឡីស័ក ដែលមានទីតាំងនៅឃុំបាក់ចិញ្ចៀន រួចដើរតាមបណ្ដោយផ្លូវលេខ ៥៥ ឆ្ពោះទៅទិសខាងត្បូង លុះមកដល់ចំណុចកើតហេតុ ត្រូវបានរថយន្តមិនស្គាល់ម៉ាកបានបុកចំពីមុខបណ្ដាលឱ្យជនរងគ្រោះស្លាប់នៅហ្នឹងកន្លែងកើតហេតុ រីឯអ្នកបើកបរបានបើករថយន្តគេចខ្លួនបាត់។ របាយការណ៍ដដែលបានបន្តថា ជនរងគ្រោះធ្លាប់បានប្រើប្រាស់នូវសារធាតុញៀនផងដែរ។ ចំពោះសាកសពសមត្ថកិច្ច បានប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី ៕