រថយន្ដស៊េរីទំនើប Range rover បុកម៉ូតូហុងដាឌ្រីមពេញទំហឹងបណ្ដាលឲ្យយុវជនម្នាក់ស្លាប់ក្នុងថ្លុកឈាម និងម្នាក់ទៀតរបួសធ្ងន់
ភ្នំពេញ ៖ យុវជនម្នាក់បានដួលបោកក្បាលស្លាប់យ៉ាងអាណោចអាធម៏ និងម្នាក់ទៀតរងរបួសធ្ងន់ ក្រោយពីជិះម៉ូតូឌុបគ្នាត្រូវរថយន្ដស៊េរីទំនើប Range rover មួយគ្រឿងបើកបុកយុវជន២នាក់កំពុងជិះម៉ូតូចំពីក្រោយពេញទំហឹង កាលពីវេលាម៉ោង១០ និង៣០នាទីយប់ ថ្ងៃទី០៥ ខែមីថុនា ឆ្នាំ២០២១ ស្ថិតត្រង់ចំណុចស្ពាននាគកោះពេជ្រ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
ជនរគ្រោះដែលបានស្លាប់មិនស្គាល់អត្តញ្ញាណនោះទេ ។
យោងតាមប្រភពព័ត៌មានពីប្រជាពលរដ្ឋដែលនៅកន្លែងកេីតហេតុប្រាប់ឲ្យដឹងថា មុនពលកើតហេតុគេឃើញយុវជន២នាក់ជិះម៉ូតូហុងដាឌ្រីមស៊េរី២០២០ ពណ៌ខ្មៅ ពាក់ស្លាកលេខភ្នំពេញ1IK-1710 ទិសដៅពីត្បូងមកជើងក្នងល្បឿនមធ្យម ខណះពេលមកដល់ចំណុចកើតហេតុផ្លូវបំបែកជាបួនក៏មានរថយន្ដស៊េរីទំនើបមួយគ្រឿងម៉ាកRange Rover ពណ៌ខ្មៅពាក់ស្លាកលេខភ្នំពេញ2Q-9333 បើបរដោយបុរសម្នាក់និងនារីម្នាក់ ទិសដៅពីលិចមកកើតក្នុងល្បឿនលឿនដូចហោះ ក៏បានបុកចំពីខាងក្រោយម៉ូតូពេញទំហឹងខ្ទាតទៅបុកនិងឃឿនផ្លូវបណ្ដាលឲ្យយុវជនម្នាក់បោកក្បាលស្លាប់ភ្លាមៗ និងម្នាក់ទៀតរងរបួសធ្ងន់ធ្ងរ ចំណែករថយន្ដបង្កធ្លាក់កាងមុខរងការខូចខាត រីឯម្ចាស់រថយន្ដបង្កវិញត្រូវបានសមត្ថកិច្ចឃាត់ខ្លួនភ្លាមៗផងដែរ ។
ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ចំណុចកើតហេតុបានធ្វើការទំនាក់ទំនងទៅសមត្ថកិច្ចជំនាញដើម្បីធ្វើការវាស់វែងយករថយន្ដបង្កនិង ម៉ូតូជនរងគ្រោះទៅរក្សាទុកនៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញដើម្បីដោះស្រាយតាមច្បាប់ ។ ចំណែកសពជនរងគ្រោះសមត្ថកិច្ចជំនាញបានយកទៅតម្កល់ទុកក្នុងវត្តដើម្បីរងចាំសាច់ញាតិក្រុមគ្រួសារមកទទួលយកទៅធ្វើបុណ្យតាមប្រពៃណី៕ដោយ ៖ ជីម ភារ៉ា
