ភ្នំពេញ  ៖  បុរសម្នាក់បេីករថយន្តម៉ាកតូយូតាព្រូសមួយគ្រឿង  ជ្រុលទៅបុករុឺម៉កសណ្ដោងក្នុងទិសដៅបញ្ច្រាស់បណ្ដាលឲ្យរងការខូចខាតផ្នែកខាងមុខ  និងធ្វេីឲ្យសមត្ថកិច្ចមូលដ្ឋានចុះទៅដល់កន្លែងកេីតហេតុភ្លាមៗ  កាលពីវេលាម៉ោង៨  និង៣០នាទីយប់  ថ្ងៃទី១៨  ខែមីនា  ឆ្នាំ២០២០  នៅក្បែរប៉ុស្ដិ៍បឹងទំពុន២  តាមបណ្ដោយផ្លូវបេតុង  ក្នុងសង្កាត់បឹងទំពុន២  ខណ្ឌមានជ័យ  រាជធានីភ្នំពេញ  ។

    តាមប្រភពព័ត៌មានពីកន្លែងកេីតហេតុបានឲ្យដឹងថា  ដំបូងគេឃេីញរថយន្តម៉ាក  តូយ៉ូតា  ព្រូស  ពណ៌ទឹកមាស  ពាក់ស្លាកលេខភ្នំពេញ  2BE -1140 បេីកបរដោយបុរសម្នាក់ដែលមានស្ថានភាពស្រវឹង  ហេីយធ្វេីដំណេីររេចង្កូតពេញផ្លូវ  ជ្រុលទៅចំហៀងផ្លូវម្ខាងទៀត  បុករុឺម៉ុកសណ្ដោងដែលធ្វេីដំណេីរបញ្ច្រាស់ទិសគ្នាពេញទំហឹង  បណ្ដាលឲ្យរថយន្តព្រូសរងការខូចខាតកាងពីមុខផ្នែកខាងស្ដាំយ៉ាងដំណំ  រីឯរុឺម៉កសណ្ដោងរងការខូចខាតតិចតួច  និងមិនបណ្ដាលឲ្យនរណាម្នាក់រងរបួសនោះឡេីយ  ។

     ក្រោយកេីតហេតុភ្លាមៗ  សមត្ថកិច្ចមូលដ្ឋានបានចុះមកដល់  ហេីយឲ្យភាគីទាំងសងខាងធ្វេីការចចារគ្នាមួយជំហាន  ។ ក្រោយមក  ភាគីទាំងសងខាងបានសុំបញ្ចាប់រឿងនៅកន្លែងកេីតហេតុ  ដោយរថយន្ត បង្ក  និងរុឺម៉កសណ្ដោងទៅជួសជុលរៀងៗខ្លួន  ៕