អនុគណៈកម្មការស្រាវជ្រាវជំងឺកូវីដ១៩ នៅថ្ងៃទី៣០មិថុនាឆ្នាំ២០២១ បានជូនដំណឹងថា មានអ្នកជំងឺកូវីដ១៩ម្នាក់ គឺជា បុគ្គលិកធ្វើការនៅធនាគារ អេស៊ីលីដា សាខាកណ្តាល ដែលមានទីតាំងស្ថិតនៅបណ្ដោយផ្លូវ ព្រះមុនីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ។ អនុគណៈកម្មការស្រាវជ្រាវជំងឺកូវីដ១៩ បានអំពាវានាវឲ្យ ប្រជាពលរដ្ឋដែលធ្លាប់បានបានទៅកាន់ទីតាំងនោះ ឬ មានទំនាក់ទំនងជាមួយអ្នកជំងឺនោះ ពីថ្ងៃទី ១៩ ដល់ថ្ងៃទី ២៥ ខែមិថុនា ឆ្នាំ២០២១ ត្រូវដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ។