ភ្នំពេញ៖ ក្នុងពេលដឹកនាំកិច្ចប្រជុំ និងថ្លែងសារពិសេសដោះស្រាយបញ្ហាជំងឺកូវីដ-១៩ ដែលកំពុងរីករាលដាលនៅក្នុងប្រទេសកម្ពុជា តាមប្រព័ន្ធវីដេអូ ថ្ងៃទី១ ខែកក្កដា ឆ្នាំ២០២១ សម្តេចតេជោ ហ៊ុន សែន នាយករដ្ឋមន្រ្តីកម្ពុជា មានប្រសាសន៍ថា គុកសាងសង់ឡើង សម្រាប់ដាក់មនុស្ស ដែលធ្វើខុសនឹងច្បាប់ ចំពោះអ្នកមិនគោរពច្បាប់ ត្រូវចាប់ដាក់គុក ទោះបីជាពេលនេះ ក្នុងពន្ធនាគារកំពុងប្រឈម នឹងការឆ្លងកូវីដ១៩ក៏ដោយ។

សម្តេចតេជោ ហ៊ុន សែន មានប្រសាសន៍ សំដៅដល់អ្នកមិនព្រមស្តាប់ តាមវិធានការសុខាភិបាល និង អ្នកដែលបង្កដល់បញ្ហាសង្គម នាពេលនេះ។ សម្តេចតេជោ ហ៊ុន សែន បញ្ជាក់ថា «គុកមាន បើមិនស្តាប់ចាប់ដាក់ទៅ ចេញប៉ុន្មានចាប់ទាំងអស់ អ្នកឯកចង់ធ្វើអ្វីធ្វើនៅប្រទេសអ្នកឯងទៅ»៕