ភរិយាដែលរងរបួសរបស់លោក Moise កំពុងសម្រាកព្យាបាលនៅមន្ទីរពេទ្យ។

រដ្ឋធានី Port-au-Prince កំពុងជួបការកើនឡើងនូវអំពើហិង្សា វិបត្តិស្បៀងអាហារ និងភ័យខ្លាចអំពីភាពចលាចលជារៀងរាល់ថ្ងៃ ព្រោះតែការអូសបន្លាយនៃវិបត្តិនយោបាយ ព្រមទាំងការរាតត្បាតនៃជំងឺកូវីដ១៩។

កាលពីអំឡុងឆ្នាំ២០១៩ លោកធ្លាប់ត្រូវបានក្រុមប្រឆាំងប៉ុនប៉ង ដើម្បីទម្លាក់ចេញពីតំណែងផងដែរ ប៉ុន្តែមិនបានសម្រេចនោះឡើយ ហើយចាប់តាំងពីពេលនោះ វិបត្តិនយោបាយដ៏ក្តៅគគុកក៏បានអូសបន្លាយមកទល់នឹងបច្ចុប្បន្ន។ នៅមុនទទួលមរណភាព លោក Moise បានទទួលបរាជ័យ ក្នុងការរៀបចំការបោះឆ្នោតសភា និងជំរុញឱ្យមានវិសោធនកម្មរដ្ឋធម្មនុញ្ញដ៏ចម្រូងចម្រាស។